تحدثت الفنانة هيدي كرم بشأن المشاهير عن المعاناة من سخرية وتنمر وتعليقات رواد السوشيال ميديا، مطالبة متابعيها بمراعاة مشاعر نجوم الفن وخاصة النساء، وقالت إنها مثل أغلب المشاهير تتحمل إهانات كثيرة وتعاني من التنمر على السوشيال ميديا.
وقالت هيدي كرم في فيديو نشرته عبر حسابها بموقع إنستغرام: إحنا اتهرينا والله كمشاهير، بتكلم بصراحة بالنيابة عن مشاهير وخاصة ستات زيي، اتهرينا من الشتيمة والتهزيق وقلة القيمة والإرهاب على السوشيال ميديا وإنكم بتحسسونا إننا منسواش.. واتهرينا من إننا نتشتم ونتهان ونتهزق بجد والله حقيقي ده كتير، هو مفيش من الأحمر ده مفيش شوية دم وإحساس.
هيدي كرم: نحاول تقديم طاقة إيجابية
وأضافت هيدي كرم: اللي بيشتمونا على السوشيال ميديا وإحنا طالعين وإحنا نازلين وإحنا بنحاول نعمل محتوى لذيذ وفيديوهات لذيذة وإحنا بنحاول نعمل طاقة إيجابية لإني بذاكر السوشيال ميديا علشان أشوف إيه اللي نافع لقيت مفيش حاجة نافعة لابسين لابسين ومتهزقين ووحشين ووحشين ومشتومين.
هيدي كرم: رواد السوشيال ميديا لن يتحملوا الإهانة
وأردفت هيدي كرم: صدقوني الناس اللي بتشتمنا لو شتمناهم نفس الشتيمة هينتحروا تاني يوم، إحنا عندنا جهاز عصبي قوي جداً لإننا مستحلمين ومنحسين ومش بنرد، ولكن صدقوني لو اللي بيشتمونا اتشتموا نفس الشتايم واتهانوا نفس الإهانة والله العظيم هتقطعوا شرايينكم من حجم الاضطهاد والإهانة والمهانة، ولكن إحنا مش هنعمل كده لإننا محترمين ومؤدبين وحساسين وبنقدر مشاعر الآخرين اللي هي مش عندكم خالص.
هيدي كرم: كرامتنا مش لعبة
وواصلت هيدي كرم حديثها قائلة: كده كتير شوفوا لكم لعبة تانية لإن كرامتنا مش لعبة في إديكم وبالراحة علينا كل واحد عنده مشاكل ومآسي وناس فقدها وأزمات في شغله وأزمات عائلية واجتماعية وعاطفية وصحية وأرجو ورجاء محبة تخفوا على بعض شوية مفيش بيننا وبينكم ثأر ونجاحنا مش معناه فشلكم وممكن كل الناس تنجح، وأرجوكم بالراحة على أخواتكم الفنانين الطيبين الحلوين اللي بيعملوا لكم حاجات حلوة.
لمشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
