انضم المطرب والملحن تامر عاشور لقائمة الغاضبين من تصريحات زميله الملحن عمرو مصطفى المثيرة للجدل في برنامج "حبر سري"، ووجه عاشور اتهاما صريحا لعمرو بتزييف التاريخ خاصة فيما يتعلق بمحاولة إنكار دور عمرو دياب في مسيرته الفنية، وادعاء أنه وصل إلى العالمية بفضل ألحانه فقط.
تامر عاشور كتب ردا مطولا على تصريحات عمرو مصطفى عبر حسابه على الفيس بوك قال فيه: النجاح يعني اعمال مش كتر كلام وأقول هعمل واسوي وعايش اتريق على ده وده بقالي سنين، التاريخ جميل مفيش شك بس بيعتمد على الوقت يعني نقيم اللي شغالين دلوقتي لما يقعدوا نفس الزمن اللي أنت قعدته ونشوف، لكن تقييم دلوقتي اسمه جهل بالتاريخ.
أضاف: أ-ب ملحن يعني لازم مطرب يغني اللحن ده وإلا مكنتش هتبقى ملحن، المطرب الأول ينجح بعد كده الملحن ينجح طبعا مفيش كلام والملحن في حتته والمطرب في حتته كل نجاح مختلف عن التاني، ونادر عبد الله أعماله كلها ناجحة وشاعر كبير قوي قوي قوي كلامه تقيل كلامه خفيف نبقى نوزن ونشوف لكن نبذة عن أعمال نادر التقيلة (أواخر الشتا إليسا - تسلم - كلموها عني - آخر مقابلة - تصدق بمين إليسا - بطمنك شيرين - أخيرًا اتجرأت شيرين - ريحة الحبايب عمرو دياب - خلينا نشوفك عمرو دياب) واضرب في 200 على نفس المستوى بس البوست مش هيكفي تاريخه، بس هو مش بتاع بروبجاندا بس.
وتابع تامر عاشور: محمد رحيم مش محتاج حد يفرحه أكيد ده بابا يا عموره دراسة ومزيكا وحاجة تشرف يعني وتعطل قدامه جدا بمعمل الكيميا اللي بتتكلم عنه ده وإلهامي دهيمة موزع أغنيه قولوله سماح فنان كبير هو وأدهم أخوه ومش هاجيب سيرة عمرو دياب كتير بس هو الڤاترينه اللي قدمتك للناس بخليك فاكرني سنة 99 يعني كان عندك 13 سنة حسب كلامك مع الإعلامية أسما إبراهيم، مش عامر منيب اللي قدمك عامر فعلا ليه فضل على كل الناس وأنا منهم بس مش هو اللي قدمك متزييفش التاريخ اللي عمال تتمسك فيه.
وأضاف تامر عاشور: نعمل سيرش على كل اسم من دول نلاقي أعمال تخض وتاريخ يزعلك شخصيا مش برامج وتخبيط وهخليهم يعتزلوا ومحدش بينجح والكلام العجيب ده وفي الآخر تقولي مصر!! ما تطلع تتكلم كويس على فنانين مصر طيب، وقصة نبضات القلب بتاعت الأغاني دي بلح، وهنغير الذوق العام هتغير الذوق العام، بإيه هتغير الذوق العام وماله أصلا الذوق العام، هو عشان بقى في حاجات بتنجح مش أنت اللي عاملها بقى الذوق وحش!! بالتخبيط في ناس تاريخ ووجه مصر حقيقي هتغير الذوق العام !! روح ادي أغنية العالم الله دي لأي حد غير عمرو دياب مكانتش هتوصل للعالمية اللي أنت فرحان بيها هي أغنية تملي معاك محققتش عالمية؟ أكتر أغنية لعمرو دياب وصلت للعالمية هي تملي معاك ألحان شريف تاج مش ألحانك كلمات أحمد على موسى، السر في عمرو دياب صدقني والدليل إن كل أغانيك مع أي حد غير عمرو زيها زي باقي الأغاني ولا راحت عالمية ولا حاجة ود مينقصش من فنك ولا موهبتك ومش عيب إحنا ثقافة وجمهور كبير والعالم كله بيجي دلوقت يعمل في عالمنا أغاني وحفلات متستقلش وكلامى على عمرو مصطفى.
لمشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
