كشفت الفنانة هاجر الشرنوبي، عن "كارثة تربوية" تحدث لابنها على يد إحدى المدرسات، مؤكدة أن الأخيرة تقوم بتجنيد بعض "الطلاب" للتجسس على جروبات الأمهات على الواتس آب، وتعاقب الصغار بالتنمر عليهم انتقاماً من آبائهم حال تقديم أي شكوى فيها للإدارة.
هاجر الشرنوبي هددت بفضح المستور بالتفاصيل الكاملة والأسماء وقالت عبر حسابها الشخصي على موقع الفيس بوك:" يا جماعة لو سمحتم عاوزة آخد رأيكم في حاجة، على أيامنا المؤسسة كان اسمها تربية وتعليم.. هو ينفع مدرسة فاضلة تربوية تعلم الأولاد «الفتنة»؟!، ينفع تستفرد بعيال صغيرة لسة سنهم 11 سنة، وتقول لهم تعالوا قولولي ايه اللي بيحصل في جروب الأمهات"؟.
وتابعت:" ينفع تخلي الأولاد يفتنوا على بعض وتلبس طقية ده لده، وتبقى مجندة طفل صغير يفتنلها ويبقى عصفورة على أصحابه!، طب هي مفكرتش في الولد اللي مجنداه ده هطلعه ايه لما يكبر، بتعلمه الفتنة وتخليه منبوذ قدام أصحابه"!.
وواصلت هاجر الشرنوبي قائلة:" لما المدرسة تعرف إن ولي أمر اشتكى منها في الجروب واللي في المدرسة تستقصد ابنه في الفصل تضحك عليه الاولاد، وتقلل منه الدرجات وتستقصده وتعيشه جوه المدرسة عيشة سودة.. ينفع تسيب الحصة وتقعد تصحح الامتحان وتقرأ الاجابات قدام الأولاد وتقعد تضحكهم على بعض بدل ما تربيهم وتشجعهم.. هي الأستاذة الفاضلة ما تعرفش إن التربية قبل التعليم؟، وطايحة في العيال ومحدش بيعاقبها".
وقالت هاجر الشرنوبي: "إنها لن تتهاون مع الأمر في حال تكرر مرة أخرى، أضافت: غالباً المرة اللي جاية لو الموضوع طول وفضلت بالشكل ده هكتب اسمها واسم المدرسة وهحول الموضوع لرأي عام، علشان اللي بيحصل ده في نفسية الاولاد محدش هيحاسب عليه غير أولياء الأمور لما تطلع نفسية الأولاد مشوهة بالشكل ده، وحسبي الله ونعم الوكيل في كل راعي مش مسئول عن رعيته".
ورغم أن هاجر الشرنوبي هددت بتحويل الأزمة لقضية رأي عام، إلا أنها سارعت بحذف المنشور نهائياً من حسابها، ولم تكتب أي توضيح عن أسباب الحذف، أو الخطوات القادمة للدفاع عن ابنها.
مشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
