تدخل الفنان تامر حسني؛ لدعم مدرب التمثيل رامي نادر، بعدما تعرضه للسخرية من أحد متابعيه، الذي وصفه بالممثل المغمور وشكك في قدراته على منح دروس في فنون التمثيل، وحذر تامر متابعيه من وضع «التعليقات المحبطة» مؤكداً أنها قد تتسبب في الوفاة.
تامر حسني أضاف عبر حسابه على موقع الفيس بوك: «لفت نظري البوست ده، أستاذ رامي أنت فنان محترم وردك حقيقي راقي، رغم تعرضك لكلام محبط أنت مردتش الإساءة بالإساءة، وده له اعتبار كبير أوي فوق ما تتصور عند ربنا قبل البشر، وممكن تكون جواك زعلت بس أكيد التعليق اللي زعلك ده ممكن يكون سبب في حاجة تفرحك قريب».
وواصل تامر في منشوره: «وهتشوف كلامي وأنا شخصياً مكنتش عارف إنك بتمرن تمثيل، وعرفت من البوست ده، وهبعتلك شباب يتمرنوا عندك وأتمنى أقابلك وأتعرف عليك ونفتح باب شغل مع بعض، وأتمنى من الشاب اللي كتبلك كده إنه يراجع نفسه وميحاولش يحبط حد تاني لأن الكلمة المحبطة فعلاً ممكن تموِّت بجد ويكون تأثيرها أكبر من السلاح».
وأضاف تامر حسني: «التعليق السلبي اللي أي حد بيكتبه بمنتهى البساطة وهو في بيته بيضحك، ممكن يكون سبب في قتل حد نفسياً أو يكون سبب في تدمير أسرة أو سبب في جرح روح كانت فرحانة ومتفائلة وبسببك كل ده اتهد، ربنا يوفقك يا فنان يا محترم».
واختتم تامر حسني حديثه: «يا شباب خلونا رحيمين على بعض عشان ربنا يرحمنا، عشان كل ما بقيت رحيم في كلامك هتلاقي ربنا بيسخرلك في عز زعلك وإحباطك ناس تفرح قلبك بالكلام الرحيم اللي يقويك على الدنيا».
لمشاهدة أجمل صور المشاهير زوروا «إنستغرام سيدتي».
وللاطلاع على فيديوغراف المشاهير زوروا «تيك توك سيدتي».
ويمكنكم متابعة آخر أخبار النجوم عبر «تويتر» «سيدتي فن».
