شنَّ مطرب المهرجانات حسن شاكوش هجوماً قاسياً على زميله المطرب محمود العسيلي بعد تأكيد الأخيرة أن ظاهرة أغاني المهرجانات خفُت بريقها وفي طريقها إلى الزوال، وأكد شاكوش أن ما قاله العسيلي في البرنامج يخالف ما يفعله في الواقع، كما أن تصريحاته متضاربة والهدف منها التقليل من قيمة نجاح مطربي المهرجانات.
وظهر حسن شاكوش، في بث مباشر عبر حسابه على موقع إنستغرام وقال: "ماينفعش نبقى في وش بعض نتكلم بأسلوب وفي الضهر نتكلم بشكل تاني وأنا مابحبش البني آدم اللي كده".
وتابع حسن شاكوش أن الفنان محمود العسيلي حضر له أكثر من حفل من قبل وكان ينزل من على خشبة المسرح ويذهب إليه ليسلم عليه لأن هذا ما تربى عليه قائلاً «يعني إنت عرفت عصام صاصا ومش عارف أغانيه، ماينفعش يكون هو ترند وأطلع أقول معرفش هو بيغني إيه».
حسن شاكوش: لا أحفظ أي أغنية للعسيلي
وأكد حسن شاكوش أنه لا يحفظ أي أغنية للفنان محمود العسيلي قائلاً «إحنا الحمد لله مسمعين وموجودين اللي هيحترمنا هنشيله فوق دماغنا واللي مش هيحترمنا مش هنحترمه».
وأبدى شاكوش استغرابه من تصريحات محمود العسيلي حول أن الراب سينتهي فقال «لما الشعبي والراب هينام مين هيبقى موجود، أمال مين هيرقص الناس».
تابعي المزيد:حورية فرغلي تهدد طليقة حسن شاكوش: سأرفع دعوى تشهير
ورد حسن شاكوش على تصريحات العسيلي قائلاً: "كل نجم ليه وقت ولازم ياخد هدنة بس لما بيرجع بيطلع حاجات هتقعدكم في بيتكم، واحنا مجال المزيكا بتاعتنا والمهرجان والغنوة الشعبي ده مش هيموت، الناس تعبت من كتر الاكتئاب، والأغاني اللي بتجيب الاكتئاب وبتجيب ملل وبتعقدهم".
واستكمل: "الناس ما بتصدق تسمع أغنية شعبي ليا أو لأي مطرب شعبي زي حمو بيكا وعمر كمال، وبيحبوا يسمعوا الأغاني بتاعتنا عشان بنطلع الواحد من المود، أنا مثلاً كحسن شاكوش لما بسمع أغنية لشيرين عبد الوهاب ببقى عايش مود الأغنية".
وأنهى تعليقه قائلاً: "أغاني المهرجانات مكملة، وإحنا لسه بنبتدي في حياتنا ولسه صغيرين، ومفيش واحد فينا عدى الـ 35 سنة وإن شاء الله مكملين في النجاح، والنجاح اللي احنا فيه وقدمناه يشغلنا ويعيشنا 20 سنة قدام، بس إحنا مش اخرنا كده، إحنا عايزين نطور ونجدد".
محمود العسيلي توقع اختفاء أغاني المهرجانات
يذكر أن محمود العسيلي ظهر فى أحد البرامج الفنية وتوقع اختفاء ظاهرة أغاني المهرجانات وانتقد تصدر مطربيها الترند بدون إنجاز يذكر وقال: أنا فيه واحد معرفوش خالص وعمري في حياتي ماسمعته هو الأكثر استماعاً على جميع المنصات معرفش هو بيغني إيه فعلاً بس هو الأكثر استماعاً على كل المنصات أكتر من كل الناس في الوطن العربي.
وتابع العسيلي قائلاً الراب هيجيله وقت ويختفي لأنه مبني على موضة غير ناس قليلة جداً اللي عندهم حاجة ثابتة وبيبنوا، أنا بالنسبة لي مطربي المهرجانات موجودين هما كان نجاحهم كبير بس مبقوش زي الأول ودا اللي بتكلم فيه بتبقى ظواهر، فيه حاجات بتطلع ظاهرة زي شعبان عبدالرحيم».
لمشاهدة أجمل صور المشاهير زوروا «إنستغرام سيدتي»
وللاطلاع على فيديوغراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
