أكتب باهتمام للمرأة، وفي مجلة تهتم بالمرأة، وأنقل هذه الخاطرة انتصارًا للمرأة، وعندما يتهمني الرجل بالانحياز للمرأة، أقول له ما قالت العرب «ناقل الكفر ليس بكافر»، فهذه الخاطرة أنقلها بتصرف دون أن أتحمل وزرها، جاءتني من فاعل خير:
* الرجل يتجوز واحدة عقلية ومثقفة.. يقولّها: «العلم عمره ما كان مهمًا للبنت.. أهم حاجة أنها تكون ست بيت!!».
* يتجوز واحدة ست بيت.. يقولّها: «خليكي انتي بس في الطبيخ بتاعك ياختي!!».
* اشتغلتي.. يقولك: «مش مشكلتي إنك بتشتغلي محدش طلب منك.. أنا اللي أعرفه إني جاي من برّه تعبان وعايز كل حاجة تكون جاهزة».
* قعدتيله في البيت.. هييجي من برّه يقولك: «أنا طول النهار طالع عيني.. وانتي قاعدة هنا في التكييف.. هتحسي بيا إزاااااااي يعنى حضرتك؟؟!!».
* اهتميتي بيه وأخدتي بالك منه.. يقول «دي خانقاني ومش عارف آخد راحتي منها!!».
* سبتيه على راحته.. يقول «مبقتش بتهتم بيا وهاملاني وهو أنا متجوز عشان محدش يعبرني؟؟!!».
* اتدلعتي عليه واهتميتي بنفسك.. يعتبرك فاضية ومش حاسة بالدنيا وبالعيشة ولا حاسة إنه طالع عينه طول النهار!!».
* تقلتي وكبرتي دماغك.. يقولّك «ده أنا متجوز واحد صاحبي!!».
* يفضل كل أما يشوفك يقولّك «انتي مش ملاحظة إنك تخنتي أوي!!».. وهو أصلاً قميصه مبيتقفلش من الكرش اللي عنده!
* لبستي لبس عادي في البيت.. يبص للستات اللي لابسين سواريهات في بيوتهم «في التي في طبعًا»، ويقولك «شايفة الستات عامله إيه لأجوازها!!».
* قلتي خلاص هرضيه ولبستيله سواريه.. يقولك «إيه اللي انتي عاملاه ده!هي بعزقة فلوس وخلاص..؟؟!!».
* ييجي يحكي عن زميلته اللي متألقة آخر حاجة وبتلبس على سنجة عشرة..!!
* تلبسي كده وتيجي خارجة.. يقولك «إيه ده انتى هتخرجى كده.. لا معنديش ستات تخرج كده برّه البيت!!».
* يقولك «هو انتي نفس الشكل كل يوم من ساعة ما اتجوزنا.. مبتحاوليش تغيري من نفسك أبدًا؟؟!!».
* تروحي تصبغي شعرك وتغيري قصّته.. ولا بياخد باله أصلاً..!!
* يحطك في مقارنة مع كل الممثلات والمطربات.. ويقولك «شايفة الستات عاملة إزاي؟؟!!».
* ويزعل أوي ويتحِمق لو بالصدفة جبتي سيرة مهند)!!
شعلانيات:
أحمق من ليست له حماقة!!
المطربون هذه الأيام ليسوا سيئين إلى هذا الحد.. أذواق الناس سيئة إلى هذا الحد.. وأكثر!!
