أغلق المخرج سامح عبد العزيز ملف أزمته مع زميلته المخرجة كاملة ابو ذكرى، مؤكدا حرصه على إتمام المصالحة بينهما قبل انتهاء العام الجاري، على خلفية موافقته على استكمال مهمتها في إخراج مسلسل زي الشمس بعد استبعادها ووضع اسمه على العمل بدلا منها.
مسلسل زي الشمس شهد عدة أزمات
سامح نشر ثلاث صور تجمعه بكاملة أبو ذكري عبر حسابه بموقع الفيس بوك، وعلق عليها قائلا: حبيبتي واختي ..الزمرده .. سفيره الزوايا الحسنه .. احنا معهد السينما.. حبايب مايزرع داخلنا .. ينبت على ملامحنا .. الحمدلله .. القوه الضاربه cut نقفل السنه دي بقى.
معركة زي الشمس في ماراثون دراما رمضان 2019
يذكر ان ماراثون دراما رمضان 2019 شهد معركة ساخنة بين "كاملة أبو ذكري" و "سامح عبد العزيز" على خلفية إبعاد الأولى عن مهمة إخراج مسلسل "زي الشمس" وتولى الثاني المسئولية دون استئذانها كما يقضي العرف، وشهدت مواقع التواصل الاجتماعي حربا حقيقية بين الطرفين انتهت بانسحاب عبد العزيز من المعركة.
الأزمة بدأت مع احتفال سامح عبد العزيز بنجاح الحلقات الأولى من مسلسل "زي الشمس" وبخاصة مشهد عتاب دينا الشربيني لخطيبها أحمد السعدني، وهو ما اعتبرته كاملة أبو ذكري "سرقة" لإبداعها، وعلقت قائلة: أبسطها يا محترم كنت ما تحطش اسمك على شغل انت ما عملتوش.
وأضافت: ولا اخترت الديكورات وكل أماكن التصوير حتى الحلقة الـ ٣٠ تقريبا ولا الممثلين من كبيرهم لصغيرهم ولا شكلهم ولا طريقة أدائهم ولا الألوان ولا اشتغلت مع السيناريست بالساعات على الحلقات، كنت تحط اسمك علي شغلك يا محترم لما يبتدي فعلا لا ده إنت كمان بتقول مبسوط أوي إن عاجبكم شغلي، أنا الحقيقة كنت مش عايزة أتكلم بس زاد عن حده.
رسالة سامح عبد العزيز الغاضبة إلى كاملة أبو ذكري
سامح عبد العزيز لم يتحمل تعليق كاملة أبو ذكري، وقدم تعليقا مليئا بالإساءة لشخصها قائلا: قبضت نص فلوسك ورميت شغلك وعيالك وبعقد موثق في نقابة، أهم اتصرفوا، اندب بقي عشان ساعتين ونص من أصل 18!
وتابع: دخلنا اللوكيشن بتاعك لقيناه كان كوافير حريمي كله نبر وغم، وياريت ظبطت إيقاع مشهد واحد في المونتاج إحنا اللي بنظبطلك شغلك عشان احنا سلاطين الـ cut الشرقي، وما دام الأم مشيت وسابت البيت كان لازم يجيبوا أب بديل وبلاش عشان أنا لا مُرهف ولا حسّاس.
سامح تراجع سريعا وحذف المنشور المسيء، ولكن الاستيلست ريم العدل احتفظت بصورة منه وعلقت عليها برد مطول تضمن "فضحا" لعبد العزيز قائلة: انا كان نفسي ما فتحش الموضوع ده خالص وكنت والله فرحانة لأصحابي الممثلين اللي الناس طايرة بيهم وبأداءهم وشكلهم ولبسهم حتي لو الكردت راح لحد تاني بس بيني وبين نفسي انا عارفة ان ده شغلنا اللي تعبنا فيه.. وقلت هسكت خالص مش هتكلم.. بس صحيت النهاردة علي بوست من الاستاذ سامح عبد العزيز عدي كل التوقعات..!!".
ريم العدل تتدخل لصالح كاملة أبو ذكري
وأضافت ريم قائلة: يا أستاذ سامح الزمالة ليها احترامها ولو حضرتك كنت كلمت الاستاذة كاملة قبل ما تدخل مكانها ما كنش حد زعل ولما الناس سقفت على الحلقات اللي هي عاملة ٩٥٪ منها كنت حضرتك رديت قلت ده شغل كاملة لحد دلوقتي والشكر ليها كنّا سقفنا لحضرتك واحترمنا أدبك واحترامك لزمايلك وشغل زمايلك وكنا اتمنينا لك من كل قلبنا تكمل الحلقات بنفس المستوي والله.! طبيعي ان دمها يتحرك لما شغلها يتسقف لحد تاني عليه لكن مش طبيعي ان حضرتك تكتب بوست زي ده علي زميلة.. انا عندي ذهول من الطريقة حقيقي!.
وأوضحت ريم قائلة: أستاذ خالد عزام قبل ما يروح مكاني في المسلسل كلمني وقال لي لو مش عايزاني اروح مش هروح عشان راجل بيحترم شغله ومهنته وزمايله وأنا بالمناسبة أصغر من أستاذ خالد ده أستاذ من قبل ما انا ادخل الشغلانة بس هو تعامل معي بكل أدب واحترام مش عشاني بس عشان أخلاق واحترام اتربينا عليها في المهنة دي من واحنا صغيرين.
وتابعت ريم، قائلة: بالمناسبة يا أستاذ من سنتين كده كنّا بنعمل فيلم اسمه "حملة فريزر" مع الاستاذ كريم العدل وحصل مشكلة مع كريم ومشي وكلموا حضرتك عشان تيجي تكمل وحضرتك روحت برضه ومارفعتش سماعة التليفون علي كريم يمكن عشان هو مخرج صغير وحضرتك طبعًا مخرج كبير ربنا يوفق حضرتك وربنا يديك علي قد احترامك لمهنتك وزمايلك.
سامح عبد العزيز ينسحب من المعركة
سامح بعد اشتعال الموقف نشر تعقيبا آخيرا لإغلاق ملف الأزمة قال فيه: كاملة تعمل اللي هي عايزاه وتقول اللي هي عايزاه .. على قلبي زي العسل"، ثم أتبع منشوره بالآية القرآنية الكريمة: "وهو على جمعهم إذا يشاء قدير.
لمشاهدة أجمل صور المشاهير زوروا أنستغرام سيدتي
