اعترف الفنان الشاب كريم قاسم فجر اليوم الأحد بإصابته بفيروس كورونا، مؤكدا إنه يتماثل للشفاء حاليا، بعدما خضع لبروتكول العلاج المصري، وقام بعزل نفسه داخل منزل خاص بعيدا عن اسرته.
وجاء اعتراف كريم لينفي صلة زميلته ريهام حجاج بالمرض، مؤكدا أنه لم يحضر حفلها الأخير في مدينة الجونة للاحتفال بنجاح مسلسل "لما كنا صغيرين" والذي تردد أن عددا كبيرا من حضوره اكتشف إصابته بكورونا فور عدوتهم إلى القاهرة.
أشار كريم إلى إنه لم يخرج من منزله في القاهرة منذ شهر ونصف، والتزم بالعزل المنزلي حتى يتعافى منه بشكل نهائي، كما أنه خضع الفترة الماضية إلى جلسات علاج، وأقام في منزل بعيدًا عن أسرته حتى لا تنتقل لهم العدوى، وسوف يقوم بأجراء تحليل آخر خلال الأيام القليلة المقبلة، حتى يتأكد من تماثله للشفاء.
وشارك كريم مقطع فيديو، عبر حسابه الرسمى بموقع انستقرام، قال فيه: أنا عندى كورونا بقالى أسبوعين فى البيت تجربتى ممكن تفيد حد عيان أو حد يظهر عليه أعراض فيما بعد، باختصار أن لما عرفت إن عندى كورونا من شهر 3 كنت مرعوب لأن والدى 79 سنة وكبير وانعزلت عن والدى لأن بنزل شغلى وعندى التزامات أول مايو كنت مخلص تصويرى مكنتش عارف بالضبط لما خلصت تصوير بعد أسبوعين.
تابع قائلا: وعرفت يوم 17 مايو ظهرلى أعراض وكان أول شىء صداع نزيف فى دماغى وتكسير فى جسمى بعد 12 ساعة، قررت أقول لكل الناس اللى اختلط بيهم وكله بدأ يطمنى وبلغت الناس تاني يوم الحرارة ارتفعت رابع وخامس يوم الدنيا كانت صعبة بالنسبة ليا وفي مرحلة الحرارة عالية البرستمول بعد 3 ساعات كانت بتترفع وكانت بتوصل 39 ونص واخد دوش علشان جسمي يهدي وكنت حاسس اني هموت لوحدي وفقد التذوق والشم ايام صعبة .
أضاف: بدأت أعمل تحاليل دم خفت اروح الحميات خف تجيني لو مكنش عندي تجربتي معظم الناس اللي كلمتني جتلها و90 في المية الناس بتخف تحت سن الستين لان انتا بتتغلب ع الفيرس وكنت باخد فيتامين سي وبارسيتمول فقط انا شخص مبحبش أخد أدوية أي دكتور بيدي علاج هو بيأمن برتكول لكل دكتور خاص به في ناس كتير تعبت أووي الفترة اللي فاتت وربنا يرحم ل الناس ويصبر أهليكم أنا حاسس بيكم انا عملت مسحات وأتاكد ظاني أنا كويس عملتها بعد العيد بعمل الفيديو عاوزة أكلم اللي جالهم كورونا أو هيتعرصوا للاصابة مش عاوز أعمم تجربتي علي الكل لو عندك أعراض خفيفة حرارة ترجيع اسهال تكسير صداع لو في كل دول وقادر تعالجهم خليك في البيت متخدش مكان حد في المستشفي هو احق بيه ولكن لو مش قادر ونفسك تعبك أتوجه سريعا لأقرب مستشفي .
وأختتم حديثه الموضوع مش عيب لازم تقول لكل الناس المخالطين بيهم أنا عارفة أنك بتحس انك منبوذ مجمتع مرعوب منك وده طبيعي بس ده مش بارادتك وده فيرس جالك الناس كلها خايفة منك منعملش الناس اللي عيتت أنهم منبوذين الجانب النفسي مهم جدا الناس الكويسة ومش اتعرضت يارب تفضلوا كويسين يا جماعة الموضوع مش بسيط وهذار أنا جالي أعراض خفيفة مقلش دور برد عادي كلنا تعبنا في شهر 11 و1 برد عادي لكن مش كورونا اغسل ايدك متخمس مع حد في حاجة خلي في مكان بينك وبين اللي جمبك لما حد يكلمك يقولك عندي اعراض خلي بالك متحتكش بحد لو مخدتش الموضوع جد عندك عيب اخلاقي وبتأي غيرك حافظوا علي نفسكم واتعملوا مع بعض وحذر وأن شاء الله لو اتعملنا بوعي مع الفيرس هنعدي الفترة دي وبشكر كل الناس اللي دعمتني وبعتتلي أكل المرض علمني حاجات كتير ويارب تجربتي تكون افادتكم خدوا بالكم من نفسكم وأنا كويس وأن شاء الله كلكم تبقوا كويسين.
يذكر أن تم ترويج شائعة أكدت أن رجل الأعمال محمد حلاوة اقام حفلا خاصا بمدينة الجونة الساحلية في عيد الفطر للاحتفال بنجاح مسلسل "لما كنا صغيرين" أول بطولة مطلقة لزوجته ريهام حجاج، وشارك في الحفل عدد كبير من نجوم الفن والإعلام، وتردد أن أغلبهم عاد إلى القاهرة حاملا للعدوى، وتم الإعلان عن إصابة الاعلاميات فقط، بينما يتكتم نجوم الفن التفاصيل.
مسلسل لما كنا صغيرين من بطولة محمود حميدة وخالد النبوي وريهام حجاج ونسرين أمين وكريم قاسم ومحمود حجازي ونبيل عيسى وأشرف زكي ومن تأليف أيمن سلامة، وإخراج محمد على وعرض في موسم دراما رمضان 2020.
لمشاهدة أجمل صور المشاهير زوروا أنستغرام سيدتي
