كشف الفنان تامر حسني سبب حماسته للتعاون مع المخرجة سارة وفيق وإسناد مهمة إخراج فيلمه الجديد "مش أنا" رغم عدم وجود سابقة أعمال لها، مؤكدا أنه وثق فيها لأنها تحمل رؤية فنية مختلفة، وبعد انتهاء التصوير، تضاعفت ثقته في قدراتها.
تامر تلقى أولا رسالة مؤثرة من المخرجة سارة وفيق فور الانتهاء من تصوير مشاهدج الفيلم كافة وقالت فيها: من ساعة ما خلصت تصوير الفيلم وأنا عاوزة أكتب حاجة لتامر حسنى بس كل ماجى أكتب حاجة أحس إن الكلام مش هيوفيه حقه فى وقوفه جمبى وإيمانه بيا من أول الفرصة العظيمة اللى أدهالى مرورا بوقوفه فى ضهرى أثناء تصوير الفيلم ودعمه الدائم ليا ومساندته فى كل تفصيلة فى الشغل وخوفه عليا شكراً أخويا تامر حسنى إنك ادتنى فرصه العمر وربنا يكتبلنا النجاح زى ماحلمنا تامر حسنى مصنع الطاقة الإيجابية.
ورد تامر عبر خاصية الاستوري بحسابه على موقع إنستقرام قائلا: يا أستاذة سارة أنا اللي بشكرك على شغلك العظيم في الفيلم وأنا قدمتك بالفيلم دا ووثقت فيكي عشان رؤيتك المختلفة اللي حسيتها وشوفتها فيكي ولما اشتغلنا الفيلم حسيت إني واقف قصاد مخرجة بتخرج من 30 سنة من جمال وقوة رؤيتك أنا اللي فخور بيكي وبشغلك ربنا يكرمك يا سارة وكرمنا معاكي.. انتظروا بعون الله فيلم مش أنا إخراج الرائعة سارة وفيق.
يذكر أن سارة وفيق بدات مهمة مونتاج الفيلم، ولكن لم يتحدد بعد الموعد النهائي لطرحه بدور العرض السينمائي، انتظارا لرفع القيود المفروضة على قاعات السينما في مصر ضمن الإجراءات الاحترازية لمنع تفشي فيروس كورونا.
فيلم "مش أنا" يشارك فى بطولته بجانب تامر حسنى، كل من ماجد الكدوانى، سوسن بدر، حلا شيحة، بالاضافة لعدد كبير من الفنانين، الفيلم قصة وسيناريو وحوار تامر حسنى، وإخراج سارة وفيق, الفيلم انتاج مشترك بين. شركة سينرچى وحسام حسنى وأحمد دسوقى
وتدور قصة فيلم "مش أنا"، حول حالة نفسية ما تصيب "حسن" تامر حسنى، وتربطه علاقة قوية جدا بوالدته المريضة وهى الفنانة سوسن بدر، حيث يحرص دائمًا على الجلوس معها أطول وقت ممكن ومراعاتها والعناية بها فهى محور حياته".
لمشاهدة أجمل صور المشاهير زوروا أنستغرام سيدتي
