حل النجم أحمد العوضي ضيفاً على برنامج «معكم» الذي تقدمه الإعلامية منى الشاذلي، وقد كشف خلال اللقاء الكثير عن بداية علاقته بالنجمة ياسمين عبد العزيز زوجته، وعن قصة حبه وبداياتها.
وقال الفنان أحمد العوضي، إنّ ياسمين عبد العزيز غيورة جداً، حيث لمس منها ذلك، قائلاً: «لما جت مرة عندنا في البيت عند والدي، والأباجورة خبطتها في كتفها وهي قاعدة فبتقولي إيه ده فبقولي دي «دولت» أنا مسميها كده وعزيزة عليا، فراحت مسكاها ورمتها في الأرض مكسراها».
ياسمين تخاف من العوضي بسبب أكله
وأضاف العوضي أن ياسمين عبد العزيز شعرت منه بالخوف من خلال موقف حدث بينهما قائلاً: «في مرة كنت قاعد وشافتني باكل الحمامة بعضمها، وهي حسستني اني باكل بني ادم واتخانقت معايا ازاي أكلها بالشكل ده وقالت: أنت يتخاف منك». وتابع: «بعدها بـ3 أيام لقيتني باكل الكبدة نية ودي عادة فيا ومتعود أكلها بدمها، وهي كانت لسه صاحية الساعة 10 الصبح، ولما شافتني بتقولي ده جيلي ولا إيه فقلتلها لا دي كبدة نية ومتزعقيش، فقالتلي أنت بتاكل دم وحاولت اشرحلها وقالت أنت هاتطلقني لما أنت بتاكل كبدة نية هتعمل فيا ايه؟».
العوضي يكشف سر إعجابه بياسمين عبد العزيز
وخلال الحلقة أرسلت النجمة ياسمين عبد العزيز سؤالاً لزوجها الفنان أحمد العوضي عن أكثر شيء يحبه فيها، والأشياء التي لا يحبها، وما الذي يضايقه منها، حيث أجاب العوضي قائلاً: «أكتر حاجة بحبها فيها إنها حنينة وجدعة وفي ضهري، ومفيش حاجة مبحبهاش فيها، وأكتر حاجة بتضايقني منها التطويل في الخناقة بينا أنا بحب الموضوع يخلص في كلمة ونص».
بداية قصة حب ياسمين والعوضي
وصرح الفنان أحمد العوضي عن بداية علاقته بالنجمة ياسمين عبد العزيز، قائلاً: «في البداية تم ترشيحي في مسلسل (لآخر نفس)، وأنا كان نفسي أشتغل مع النجمة ياسمين عبد العزيز، والشركة لما رشحتني قالولي إنه دور ظابط، وانت قلت مش هتعمل دور ظابط، ولكن لما عرفت إنه مع ياسمين عبد العزيز قلتلها لا عادي أنا أعمل الدور مفيش مشكلة». وأضاف العوضي: «لما روحت ياسمين شافتني وحطت ايدها على كتفي بشكل جامد كده وأنا مش شايف مين وهي لابسة نضارة، فكنت مستغرب مين ماسكني جامد كده، يعني قفشة في البداية كده نص نص بس بهزار».
مسلسل «آخر نفس» كان سبب إعجابه بياسمين عبد العزيز
وتابع: «تاني يوم بقى روحت البروفة فلقيت المخرج قاعد وفي كرسيين جنبه فاضيين، فقلت لما أقعد على الطرف هاتيجي تقعد في النص مش هاعرف أتكلم عشان هتتكلم مع المخرج برده، فقررت أقعد جنب المخرج وميكونش في كرسي فاضي غير اللي جنبي وحصل فعلا وجت سلمت عليا وقلتلها معلش مش معايا نسخة من السكريبت ممكن أبص معاكي فقالتلي اتفضل عادي، واتكلمنا بقى وكلمة مني وكلمة منها وضحكت يبقى خلاص قلبها مال، والموضوع جه زي أي علاقة عادي تعارف وإعجاب وحب ثم زواج».
العوضي تزوج من ياسمين في يناير وليس مايو الماضي
وأشار النجم أحمد العوضي إلى أنّ الزواج لم يكن في شهر مايو (أيار) وقت إعلانهما ولكن منذ شهر يناير (كانون الثاني) في وقت عيد ميلادها كانا بالفعل متزوجين، و«لكننا لم نعلن لأنّ في البداية احنا مش ضامنين العلاقة هتكمل ولا لا وكنا بنتخانق ونسيب بعض ونرجع تاني لبعض وهكذا، ونخاف نقول على العلاقة وتفضل فتتحسب عليها علاقة وخلاص».
واستكمل العوضي: «كنا متفقين إننا هنعلن على الزواج في شهر رمضان عشان نكون مركزين في تصوير المسلسلات اللي عاملينها، لكن لما صور العيد ميلاد نزلت الدنيا قامت مقعدتش، وبخصوص الأخبار اللي كان بتنزل بأن ياسمين أكبر منى بـ12 سنة، ده غير صحيح هي أكبر منى بـ6 سنوات فقط وحتى لو أكبر من كده عادي، ولما أعلنا الساعة 4 الفجر كان عشان ياسمين اسمها ميتحطش في سياق مش كويسة وأعرف الناس أن الست دى تخصني».
العوضي سعيد برد الرئيس المصري على «الاختيار»
قال الفنان أحمد العوضي: «استيقظت في يوم لقيتهم بيقولولي أن الرئيس عبد الفتاح السيسي بيقول (الله المستعان) الجملة التي كنت أقولها أثناء تجسيدي شخصية (عشماوي) في مسلسل (الاختيار) كما أنّه شاهد المسلسل وأثنى على دوري. ده شرف كبير ليا وعلى راسي وأكبر تكريم بالنسبة لي».
وكشف العوضي، عن أصعب مشاهده في مسلسل «الاختيار»، قائلاً: «كلها صعبة بس مش الإعدام كان أصعبها وخاصة التحقيق مع النجم أحمد السقا، وأنا قلت قبل كده كان حلم من أحلامي إني أمثل قدام السقا»، وتابع: «أنا شخص متوتر دائما، وماشي بمبدأ اللي هاعمله بعد كده، يعني بعد نجاح مسلسل (الاختيار) وأن الدور كسر الدنيا وفرحت بالدور وبالنجاح ده، أفكر بقى هاعمل إيه عشان استمرارية النجاح». وتابع قائلاً: «شركة سينرجي هي من رشحتني لشخصية «عشماوي».
ردود فعل الاختيار كانت كبيرة
وكشف الفنان أحمد العوضي على ردود الفعل التي تلقاها على المسلسل قائلاً: «سعيد جدا بكل ما يحدث في حياتي سواء المهنية أو الشخصية، ومسلسل الاختيار كان خطوة مهمة في مسيرتي ولم أفكر لحظة في خوض التجربة من عدمها لأن مش من الذكاء أن أفكر في فرصة قوية تجيلي لأن النجاح جزء كبير منه اقتناص الفرص”.
وأضاف العوضي، خلال لقائه في برنامج «معكم» للإعلامية منى الشاذلي المذاع على قناة cbc: «الفرصة لما تجيلي في عمل أجسد فيه هشام عشماوي في مسلسل لأضخم في العالم العربي منذ فترة كبيرة، وبتحمل رسالة توعية للناس بأن الجماعة الإرهابية دول بيفكروا ازاي، مينفعش أتردد أني أخاف وأنا عندي مقولة بتقول اللي قلبه خفيف رزقه ضعيف، ودي بطبقها في حياتي».
واختتم: «أنا مينفعش أعمل شخصية زي دي وأكون مبتسم لأن هو أصلاً شخصية مش بتاع سياسة هو بتاع قتل وتفجير، فكان لازم التكشيرة دي، وبقيت هي فعلا الموضوع كله والناس في الشارع بتتطلب مني تتصور بالتكشيرة دي يقولي عشان أوريها لخطيبتي».
لمشاهدة أجمل صور المشاهير زوروا أنستغرام سيدتي
ويمكنكم متابعة آخر أخبار النجوم عبر تويتر "سيدتي فن"
