وجهت نجمة ستار أكاديمي رنا سماحة أول رسالة رومانسية إلى خطيبها الملحن سامر أبو طالب، بعد الإعلان رسميا عن خطبتهما، مؤكدة أنه ظهر في حياتها في اللحظة التي أيقنت فيها أنها بعيدة عن الارتباط العاطفي وتفتقد الإحساس بالأمان.
رنا سماحة نشرت صورة جمعتها بخطيبها، عبر حسابها بموقع الفيس بوك، وعلقت عليها قائلة: ال post ده مش للنحنحه خالص، هسميه وأما بنعمة ربك فحدث، لأني بحس دايما إني مش مديه الراجل ده حقه، اللي عارفني كويس عارف قد ايه فكره الجواز أو الارتباط عموما، كانت فكرة معقدة بالنسبة لي، وخصوصا إني كنت بشوف دايما إننا ف زمن، البنت فيه هي الراجل اللي يقدر يكون سند ويقدر يتحمل مسؤولية، من غير ما ييجي راجل يتحكم فيها من أجل التحكم فقط من غير أي هدف.
ال post ده مش للنحنه خالص هسميه (( وأما بنعمة ربك فحدث )) لاني بحس دايماً اني مش مديه الراجل ده حقه الي عارفني كويس...
تم النشر بواسطة Rana Samaha في الثلاثاء، ٢٧ أكتوبر ٢٠٢٠
وأضافت: وكانت فترة الارتباط بالنسبة لي هي فترة الضغوط والمشاكل والعقبات اللي مالهاش آخر، ومع ذلك كنت بدي اللي ف قلبي من جوايا من غير تفكير، الراجل ده جالي ف وقت كنت فاقدة إحساس الأمان والثقة ف كل حاجة.
وتابعت: كنت واخدة قرار إني هعيش لأهلي وشغلي ولنفسي فقط، كانت فكرة الارتباط بالنسبة لي بند ملغي من حياتي ومش هرجعله، جالي طبطب عليا واحتواني وداواني من كل جرح سندني وأنا طول عمري شايفه إني سند نفسي، فرحني وطمني وعرفني يعني ايه أمان، واكتشفت أن كل اللي فات من حياتي مكانش اصلا موجود، عرفني يعني ايه حب، رجعلي ثقتي ف الدنيا والحياة.
ووجهت رنا الشكر إلى خطيبها قائلة: شكرا يا حبيبي أنك موجود ف حياتي، شكرا إنك راجل بكل ما تحمل الكلمة من معنى، بحبك وربنا يحفظك ليا ويكمل فرحتنا على خير، سامحوني على الإطالة.
لمشاهدة أجمل صور المشاهير زوروا أنستغرام سيدتي
