جددت الفنانة زينة رفضها التام لفكرة الزواج، مؤكدة أنها لم تتعود الفشل، وخرجت من تجربتها الأولى بدرس إنها لا تصلح لهذه التجربة، وبنفس الوقت نفت أن تكون تجربتها مع أحمد عز قد تسببت في كراهيتها للرجال، وقالت إن أولادها سيكونون رجالا ولا يمكن أن تكرههم.
أضافت زينة خلال مداخلة هاتفية مع برنامج "ET بالعربي": مشاعري ماتت اتجاه الرجل، والموضوع مش شاغل دماغي، ولكن أنا تمام أوي.
تابعت قائلة: هو مكرهنيش في الرجالة، ما أنا إخواتي وولادي هيبقوا رجالة، بس بقيت بشوفهم بشكل تاني، والحب مش موجود، وأنا إنسانة متعودتش أفشل، وفشلت خارج إرادتي، فالفشل خلاني محبتش أعيد التجربة تاني خالص.
وواصلت قائلة: مش بستسلم للفشل نهائي، بس أنا متعودتش أفشل، ولما فشلت قررت إني منفعش في الحتة دي فخلاص، حتى لو أنا غلطت، ولكن أكيد ممكن ألاقي مليون حد يحبني.
وعن الدروس التي تعلمتها من العام 2020، وستؤثر على قراراتها في العام 2021 قالت زينة: هحاول أبطل أخاف وأتعايش، لإني مش قادرة اتعايش، وهلم ايدي شوية، وأنا بصرف كل اللي بيجيلي، ودلوقتي بقيت واحدة مسئولة، وقررت أجيب كشكول وأعمل نوتس وأكتب فيها الفلوس اللي عليا واللي معايا واللي هصرفها، وهمسك إيدي في ايه، وهعمل الكشكول ده من بداية السنة.
وسبق أن اعترفت زينة منذ أيام بشعورها بقلق مُبالغ به بسبب انتشار الموجة الثانية من جائحة كورونا، مؤكدة أن لديها هوس الان باستخدام الكحول لتطهير وتعقيم نفسها بكل الأوقات تقريبا، لدرجة أنها أفسدت سماعة هاتفها المحمول، من كثرة تعرضها للكحول.
وقالت زينة في تصريحات لبرنامج "ET بالعربي": الخوف جاي من كورونا خايفة جدًا مرعوبة، سماعة الموبايل باظت، كل شوية أرش كحول على الموبايل لما خلاص الموبايل هيضربني بالقلم على وشي، بدأت أرش كحول على كل حاجه، مرعوبة مرعوبة، لدرجة أني برش الكحول على وشي بغسله وبرش برضو مش عارفة أعمل إيه.
لمشاهدة أجمل صور المشاهير زوروا أنستغرام سيدتي
