أكدت الإعلامية بسمة وهبة أن "الحسد" هو السبب الحقيقي وراء أزمات عمرو دياب ودينا الشربيني الأخيرة، وقالت بعد مقابلة مع دياب حدثت بالصدفة في دبي، أن الثنائي الشهير يحتاج لبعض التنازلات حتى يتمكنا من استعادة قصة حبهما، وأشارت إلى أن المشاعر الرقيقة بين عمرو ودينا لا يمكن تعويضها بالمال أو الشهرة.
بسمة بثت مقطعا مصورا عبر حسابها بموقع إنستقرام، بدأته بمشهد لقاء عمرو دياب في دبي، وبعدها بدأت التعليق على أزمته مع دينا الشربيني قائلة: دلوقتي أنا عرفت عمرو دياب ودينا الشربينى سابوا بعض ليه!.. للأسف عرفت سابو بعض ليه.. من نبرنا يا جماعة.. قمر يا جماعة وجميل وبيبي ومتواضع وكل حاجة حلوة فيه، وهي كمان أيضًا.. بس الناس جابتهم الأرض من النبر والحسد والعنين وبعدين سابو بعض خلاص.
أضافت قائلة: الناس مش سايبينهم في حالاهم وبيسخنوهم على بعض.
ثم وجهت حديثها إلى زميلها تامر أمين الذي وجه مؤخرا تهديدا شديد اللهجة لدينا الشربيني وقالت: يا تامر يا أمين بطل تبقى بوتجاز.. متسخنهمش على بعض.. وبعدين لما أنت تعمل كدا.. أمال أنا أعمل إيه في برنامجي الجديد؟ يا تامر يا أمين انت جاي تهدي النفوس.. بالراحة عليهم وربنا يصلح لهم حالهم،.
وتابعت قائلة: بالراحة على الناس.. لو فيه 1% يرجعوا لبعض.. لكن بنبر الناس وكلامهم مش هيرجعوا.. يا جماعة حرام عليكم.. هما ذنبهم إنهم مشاهير؟..سيبوا الناس في حالها.
وأضافت قائلة: الفلوس ممكن تشترى كل حاجة في حياتنا، بس الحب عمرنا ما بنعرف نجيبه، لأنه مالوش تمن ولا سعر، واللى يلاقي حب في حياته حب حلو وجميل ميستغناش عنه بسهولة، ويمسك فيه.. هتجيبوا منين عمر تعاني عشان تحبوا تاني.. أنا بدي نصايح وبعمل خير في كلمتين.. وبقول تنازلوا ومتستغنوش عن الحب بالسهولة.
يذكر أن دينا الشربيني، كشفت عن رأيها في أسباب فشل مؤسسة الزواج، مؤكدة أن "العشرة" تكشف حقيقة كل شخص، كما تحدثت بصراحة مع النجم عمرو يوسف عن أكثر مخاوفها، ورايها في التمييز بين الرجل والمرأة، ورغم أن رسائلها كانت موجهة بالكامل إلى عمرو دياب إلا أنها لم تذكر اسمه مرة واحدة.
أضافت خلال مناقشة مع النجم عمرو يوسف في الحلقة الأولى من برنامج «بصراحة مع»، المذاع على فضائية MBC: للأسف إحنا بناخد فكرة الجواز أنها نهاية العلاقة مش بداية العلاقة، ده مش حقيقي، المفروض أن بيكون في فترة تعارف ووقتها الاتنين مش بيكونوا على طبيعتهم، كل واحد بيحاول يجذب اللي قدامه ويطلع مثالي عشان الاتنين يتبسطوا مع بعض، تقول مثلا عايزة سلطة وبلاش أكل أو عصير وفجأة يلاقيها بتضرب أي حاجة في التلاجة.
تابعت قائلة: الفكرة أن المشاكل الحقيقية بتبدأ لما أي حد يعيش مع التاني، بتشوفه على حقيقته، لو مبين حققيته من الأول مظنش أن ده هيحصل.
وواصلت قائلة: كل واحد من الطرفين بيتخيل أنه بيمتلك اللي قدامه، ومش قصدي على الرجالة بس، لما بيبقى نفسك في شنطة أوي بعد ما تمتلكها عادي ممكن ترميها على الأرض، كمان التعود حاجة سلبية، اللي هو خلاص أتجوزتها خلاص وتحط في بطنك بطيخة صيفي، المفروض كل يوم يبقى وكأنه يوم جديد وحياة جديدة.. أنا بحب الحب أوي.
وتسببت هذه التصريحات في تعرضها لهجوم قاسي من الإعلامي تامر أمين، الذي أكد أن دينا كانت "المستفيدة" من زواجها بعمرو دياب، ولا يحق لها التحدث عنه تلميحا أو تصريحا بأية كلمات قد تسيء إليه.
وقال أمين خلال فقرة ببرنامجه آخر النهار: بقولك يا دينا متتكلميش على العلاقة مع عمرو مرة تانية، ولو هتتكلمي يبقى تتكلمي عن إنه نجم، ميصحش يخرج الكلام ده من زوجة بعد الانفصال وخاصة لو مع عمرو دياب اللي مبيغلطش في حد.
تابع قائلا: في السنين اللي فاتت حاول ناس كتير يتطاولوا على عمرو ولكن عمره ما رد عليه، الناس بتتطاول عليه فيرد بمزيد من النجاح، محدش ينكر أن جزء كبير من شهرتها خلال السنين اللي فاتت جوازها من عمرو دياب، هي كسبت كتير من وراه باقتران اسمها باسمه حتى الآن.
لمشاهدة أجمل صور المشاهير زوروا أنستغرام سيدتي
