قدم الفنان أحمد زاهر اعتذارًا من زميلته الفنانة هيدي كرم عن الصفعة الشهيرة ضمن أحداث مسلسل "لؤلؤ"، مؤكدا ان الصفعة حقيقية وتسببت في تورم وجهها بالكامل، وطلب منه المخرج محمد سامي لاحقا عدم تصوير مشاهد الضرب بشكل حقيقي، ولكنه يميل لتجسيد أدواره بصورة طبيعية حتى يقتنع المشاهد.
وقال زاهر في لقائه مع الإعلامية لميس الحديدي ببرنامج "كلمة أخيرة": عاوز أعتذر لها جدًا هي طلبت تكون الصفعة حقيقية ولما ضربتها "الاه" اللي طلعت منها في المشهد قطعتني من جوه ووشها ورم بعد الصفعة بعد كده الأستاذ محمد سامي قال بلاش ضرب بشكل حقيقي.
وتابع قائلا: لو أنا مكانها هاخد القلم بشكل حقيقي لأن الضرب الحقيقي بيطلع إحساس كبير عشان الوجع بيخلي "ريأكشن" الممثل صادق وحقيقي وأنا بضرب في المشهد ببقى مضايق جدًا".
وحول عنفه مع السيدات ومدى كونها حقيقية، قال: السيناريو عايز كده بس الضرب في المسلسل مرتين كان بجد وبقية المرات كان تكنيك مش حقيقي، الصفعة الحقيقية كانت لنجلاء بدر في الحلقة الأولى ثم هيدي كارم كانت حقيقية.
وكشف أحمد زاهر عن سعادته بردود الأفعال على دوره في مسلسل " لؤلؤ" الذي يجسد فيه شخصية طارق نصار، وقال: سعيد جدًا بردود الأفعال وفيه حاجه غريبة كل ما أمشي القي الستات بتبصلي وتبتسملي أي ست تبصلي وتبتسم.. والدور جاي مع السيدات جدا ورغم أن طارق شخصية بها عيوب لكن مافيش إنسان طيب طول الوقت ولا شرير طول الوقت ممكن أكون كويس مع حد ووحش مع حد تاني ؟، وشخصية طارق مش شريرة ولا خبيثة بس هو رجل عملي "بيزنس مان" تربي في عائلة ارستقراطية.
واستكمل: في النهاية برضه من عيوب الشخصية أن طارق أناني وبيحب نفسه ويهمه اسمه قبل كل شيء وسمعته وشكله لكن عندما حب لؤلؤ تخلى عن كل شيء إيمانًا بالحب.
لمشاهدة أجمل صور المشاهير زوروا أنستغرام سيدتي
