ظهرت الفنانة المصرية دينا للمرة الأولى عقب تعافيها من فيروس كورونا، وبكت في مقطع فيديو تأثرا بمعاناتها طوال الأسبوعين الماضيين، من تداعيات العزل الصحي، وطمأنت جمهورها بتواجدها داخل المنزل مؤكدة أنها لم تذهب إلى المستشفى كما روج البعض.
دينا نادرة الظهور ببث مباشر عبر حسابها بموقع إنستقرام، قالت أنها قررت مشاركة جمهور بتفاصيل معاناتها مع الفيروس والرد على الشائعات التي طالتها طوال فترة المرض، وقالت: في الحقيقة أنا وحشنى كل حاجة، وحشنى أمشى في الشارع، وحشنى السوبر ماركت، وكل حاجة وحشتنى جدًا، أنا مش من عادتى اطلع لايف كتير، ولكن لاقيت الناس عمالة تتكلم أنا روحت مستشفى ولا عملت إيه".
وأكدت دينا أن نتيجة الفحص ظهرت سلبية لأول مرة بالأمس وأضافت: قلت لازم أطلع للناس اللى مهتمة تعرف أخبارى، أطمنهم، أنى بتعافى بعد ما اكتشفت أن النتيجة كانت سلبية، وطبعًا ده فضل ربنا عليه أنى قمت بالسلامة، أدعولى أقوم بصحة أحسن، لأن الخناقة مع الفيروس ده مش تمام، وفيروس صعب وسخيف جدًا، وبتمنالكوا كل الخير ومحدش يجيله كورونا، وخلوا بالكوا من نفسكوا جداً.
وأكدت أنها كانت ملتزمة بكل الإجراءات الاحترازية، ولكن وصفت إصابتها بأنها رزق وراضية بيه، وزى ما بنرضى بالحاجات الكويسة، لابد نرضى باللى مش كويس، وتابعت: اتعلمت من التجربة دى إن في حاجات كتير الواخد بياخدها اه مسلم بيها، ولكنها نعم كبير، مجرد النزول والمشى في الشارع نعمة مش حاسين بيها.
وكشفت دينا عن رؤيتها لوالدتها لأول مرة بعد ثبوت سلبية العينة قائلة: وأنا بشوف أمى حسيت إن في جايزة كبيرة، مش حاجة عادية، وشكرًا لكل الدعم اللى خدته، ولولا أصحابى وأهلى، ما كنىش خدت الدفعة الجامدة جدًا، اللى وصلتلها، لأن الكلام ده قومنى من اللى أنا فيه، وأول حد بشكره أمى، اللى ما رضيتش تسيبنى ولا تسيب البيت، وفضلت قاعدة معايا طول الوقت، أنا اللى كنت خايفة عليها وهى ما كنتش خايفة.
لمشاهدة أجمل صور المشاهير زوروا أنستغرام سيدتي
