ضمنت الفنانة المصرية نشوى مصطفى التواجد بموسم دراما رمضان 2021، بعدما تعاقدت بشكل رسمي على المشاركة ببطولة المسلسل الإماراتي الجديد "اللي نحبهم" ومن المقرر أن تبدأ تصوير مشاهدها في العمل خلال الأيام الجارية.
المسلسل الجديد يشارك في بطولته عدد كبير من النجوم منهم أحمد الجسمي وفاطمة الحوسني وعائشة عبدالرحمن وجمعة علي ونشوى مصطفى ومروان عبدالله وهو من تأليف مرعي الحليان ومن إخراج باسم شعبو ومن المقرر عرضه على تليفزيون ابو ظبي رمضان القادم.
يذكر أن نشوى مصطفى أثارت الكثير من الجدل سابقا بعدما توجهت بنداء إلى متابعيها لمساعدتها في البحث عن واسطة توفر لها فرصة عمل كممثلة، واختارت نموذجا أقرب لإعلانات البحث عن وظيفة مؤكدة أنها خريجة معهد التمثيل، وفي التعليقات رفضت نشوى وصف كلماتها بالساخرة مؤكدة أنها كتبتها تعبيرا عن "الوجع" الذي أصابها في الفترة الأخيرة.
نشوى مصطفى، كتبت عبر حسابها الشخصي بموقع الفيس بوك: حد عنده (واسطة) عايزة أمثل، أنا معايا بكالوريوس فنون مسرحية قسم تمثيل وإخراج بتقدير جيد جدًا ومثلت قبل كده وفيه ناس قالت إني ممثلة يجي مني.
وردا على تعليق من صديق مقرب لها قال: انتي ممثله مهمه يا نشوى متكتبيش كده انتي أكبر من كده عارف أنك عاملاه افيه اطلبي حتى لو كتبتيه بجد اطلبي بمنتهى الفخر أنك ممثله محترمه وكويسه جدا وشاطره جدا، قالت مصطفى: مين قال لك يا محمد انى كاتبة أفيه، انا كاتبة وجع وغضب ورفض انى مبقاش ليا مكان، انا باتريق على وضع مجبرة عليه، انا مافقدتش ثقتى بنفسي كممثلة، لكن انا باطلب حق، عارفة انه مجرد بوست، فضفضة او يمكن مواساة لزملا كتير فنانين حقيقين عايشين نفس الإحساس.
وبعد الضجة كتبت توضيحا قالت فيه: توضيح هام، من يومين كتبت بوست والحقيقة كالعادة الفترة اللي فاتت بقيت أى حاجة بكتبها بيكون رد الفعل تجاهها أكبر من توقعاتي بمراحل، البوست كان ملخصه أني عايزة أمثل، والحقيقة أي فنان زميل هيفهم معنى أن طاقتك وموهبتك متعطلة.
وتابعت: إنك تكون مركون على المعاش وأنت لسه عندك طاقة بدليل، أن العظيمة أمينة رزق كانت بتمثل لأخر يوم في عمرها، اللي تجاوز التسعين سنة، وأنها قدام الكاميرا كانت بتتحول لطاقة فنانة في الثلاثين، المهم أنه أتفهم من البوست أني لا سمح الله محتاجة أمثل علشان محتاجة فلوس مثلاً.
وأضافت: وده عرفته من كم التليفونات اللي تلقيتها أو من كم الناس السفلة الشمتانين الكارهين، واللي بيكرهوا أي حد بيقول تحيا مصر، وأحب أوضح لكل الناس محبين أو كارهين أني من فضل الله سبحانه وتعالى مستورة جداً، وأني متزوجة من راجل بيعولني.
واستكملت: ومن فضل الله زوجي عنده بزنس ساترني وساتر بيتي وولادي، اللي بفضل الله اتعلموا جوه مصر وسافروا كملوا دراستهم فى أمريكا وألمانيا وبفضل الله وبكرمه، ونعمته واجتهاد زوجي الحمد لله مستورة ، وأن زوجي معاه جنسية أمريكية.
وقالت: وأنه من الممكن ننتقل للعيشة في أمريكا ودخلنا، من شغله يكون أعلى بس إحنا زي السمك مانقدرش نسيب مصر وبعتذر لكل القنوات العربية والمصرية اللي كلموني، علشان يستضيفونى علشان نتكلم في البوست.
وأختتمت: وبشكر أخواتى وأصدقائي المنتجين في الكويت وفي الأمارات على عروضهم الطيبة وفعلاً الفنان فنه مالهوش حدود تقاس بالكيلومترات، أنا بحبكم.
لمشاهدة أجمل صور المشاهير زوروا أنستغرام سيدتي
