كشف النجم أحمد فهمي عن غيرة زوجته هنا الزاهد الشديدة عليه، مؤكدا أنها تغار من المعجبات وتتصل به بمكالمات فيديو للتأكد من مكانه والتعرف على من بصحبته، كما أنها تغار عليه من كلبته الخاصة "زيزي" لافتا إلى أنه لا يغار عليها بنفس الشكل.
أضاف خلال حواره مع برنامج "يوم ليك"، للإعلامية سمر يسرى، على قناة "الحياة": أنا بحب الكلاب جدا وده سبب الخناقات بينى وبين مراتى هنا الزاهد، وهي ليها شخصية قوية جدا وهى فى البيت مسيطرة وبتزعل أنى بهتم بالكلاب وبالذات الكلبة زيزى وبدلعها كتير فبتضايق وتقعد تعيط وقالت لي الكلبة دى هتكون سبب طلاقنا.
وتابع فهمى، فى حديثه: هنا بتغيرعليا أكتر بكتير منى، ودائما تكلمنى فيديو كول وبتغير من المعجبات.
وكشف فهمي سر معاركه مع متابعيه على موقع إنستقرام قائلا: كنت على طول بشتم اللى بيشتمنى على إنستقرام، ومن سنتين شتمت حد على إنستجرام، واتقفل الحساب شوية، لكن دلوقتى هديت كتير، عشان العصبية كانت بتاخد من طاقتى، أنا مبردش غير على قلة الأدب وليس النقد، ومرة أحمد السقا قالى لازم تهدى شوية، وحكالى على قصة الولد اللى شتم والدته على حسابه وراح جابه من بيته وبعد كده سابه والولد اعتذر له.
وأكد أحمد فهمي، أن الهجوم على مسلسله "رجالة البيت"، يقف وراءه فنان كبير صديق له، قائلا: أعمالي بتنجح أوي، أو بتنجح، والهجوم على المسلسل كان غريب، أيوة فيه مشاكل واعتذرت عنها لكنها لا تبرر الهجوم الكبير عليه.
وأضاف: أنا مش طول الوقت بطل العالم، لكن عمري ما وقعت، والهجوم غريب، ومقصود وموجه، وعارف اللي وراه بالاسم، والمشكلة أن هذا الفنان لا توجد بيننا منافسة أنا في حتة وهو في حتة، وممكن يكون شن الحملة عشان كنت برفض أشتغل معاه.
واستدرك فهمي، مؤكدا أن الفنان المقصود ليس محمد رمضان، وقال:كان فيه خناقة بيني وبين محمد رمضان واتصالحنا فعشان الناس متظنش إني بأتكلم عن رمضان فأنا بأكد إن مش هو.
لمشاهدة أجمل صور المشاهير زوروا أنستغرام سيدتي
