طمأن شقيق الفنانة ياسمين عبد العزيز، الفنان وائل عبد العزيز، بأن حالة شقيقته في تحسن ملحوظ وأنها ستخرج من المستشفى قريباً.
شكراً لكل من اطمأن على حالة شقيقتي ياسمين
وقال وائل عبد العزيز عبر حسابه على موقع التواصل الاجتماعي «فيسبوك»: «أنا عايز أشكر كل الجمهور الكبير ده من مصر والوطن العربي على اهتمامهم وحبهم لياسمين ودعاهم في أيام مفترجة، وعايز أشكر كل نجوم وكبار رجال الدولة في مصر والوطن العربي اللي اتصلت أو جت، حقيقي حب كبير لبنتي وأختي، ياسمين الحمد لله حالتها مستقرة وإن شاء الله خروجها عن قريب».
ياسمين وأزمة صحية غامضة
كان الفنان أحمد العوضي، قد كشف عن مرور زوجته الفنانة ياسمين عبد العزيز، بأزمة صحية عبر حسابه بموقع التواصل الاجتماعي قائلاً: «يمكن ببان قدامكم دايماً قوي، لكن الحقيقة أنا دلوقتي أضعف إنسان على وجه الأرض عشان أنا روحي مش معايا». وتابع العوضي: «أنا ضعيف جداً من غيرك إنتي لازم تبقي كويسة ولازم تقومي بالسلامة، أنا لأول مرة أكتب من غير ما أكون مفكر أنا بكتب إيه وهكتب إيه؟، بس أنت هتقومي إن شاء الله بإذن الله عشان أنت وعداني وعد وهتنفذيه».
وواصل العوضي: «أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة، وأنا دلوقتي مش قوي زي ما إنتي بتشوفيني أنا دلوقتي ضعيف ضعيف جداً لحد ما تقوميلي تاني عشان زي ما إنتي بتاخدي قوتك مني أنا كمان باخد قوتي منك».
واختتم العوضي رسالته لزوجته ياسمين عبد العزيز قائلاً: «قومي عشان أنا بحبك، بحبك أكتر بكتير من كل الكلام اللي أنا كتبته، أكتر بكتير من كل اللي عدينا بيه مع بعض من أيام حلوة ومواقف صعبة مرت علينا، أكتر بكتير حتى من الموقف اللي احنا فيه دلوقتي، أنا بحبك».
وطالب الفنان أحمد العوضي من جمهوره ومتابعيه ضرورة الدعاء لزوجته ياسمين عبد العزيز، بقوله: «ادعولها تقوم بالسلامة زي ما إنتوا دايماً بتدعولها بالنجاح والتوفيق، هي دلوقتي محتاجة دعواتكم».
*وائل عبد العزيز يبشر بقرب خرج شقيقته من المستشفى
