كَشَفَتَ المخرجة هبة يسري، مخرجة مسلسل «سابع جار»، الذي شاركت به الفنانة الراحلة دلال عبد العزيز، عن موقف إنساني حدث بينهما وبين الراحلة، وبَيَّن مَدَى ما تَتَمَتّع به الفَنّانة دلال عبد العزيز من إنسانية نادرة.
نشرت هبة يسري تفاصيل ما حدث عبر حسابها الرسمي على «فيسبوك»، قائلة: «دلال عبد العزيز تستحق أن نحكي عنها ما لم تحكه أبداً، ولو كنت رأيت منه القليل بالصدفة». وتابعت هبة يسري مخرجة مسلسل «سابع جار»: «في إحدى المرات كنا بتصور في مصر الجديدة لقيت حد بيكلمها كل شوية بيسأل عن المكان وجاي لقيتها بتقولي دي بنت بتتفرج عليه وعايزه تشوفني عشان مامتها اتوفت قريب ووحشاها... اتأثرت شوية بس كنا شغالين ومدام دلال طلبت شوية وقت لغاية ما البنت تيجي... وصلت بنت بسيطة محجبة شايلة بيبي ميكملش 3 شهور، وجايلها من مكان بعيد جداً عشان بس تشوفها.. أول ما البنت شافت مدام دلال عيطت جداً وفضلت تحاول تمسك نفسها بس مقدرتش وانهارت في العياط، ساعتها دلال خدتها في حضنها وفضلت تطبطب عليها والبنت تعتذر مكسوفه عشان ماتبقاش بتبشر بحاجة وحشة، ودلال تقولها عيطي ولا يهمك وتدعيلها وقالتلها ما أنا كمان ماما... مش أنا برده ماما».
واستطردت المخرجة هبة يسري في تدوينتها عن إكمال تفاصيل الموقف المؤثر لدلال عبد العزيز: «البنت قالتلها أنا عايزة أوريكي بنتي عشان ماما ملحقتش تشوفها خدتها ولاعبتها واتصوروا مع بعض، والبنت قالتلها إن ده أحلى يوم في حياتها، وشكرتها ومشيت، ودلال كملت تصوير عادي بنفس روحها وكأنها بتعمل ده على طول».
واختتمت هبة يسري تصريحها عن دلال عبد العزيز قائلة: «يمكن مكانتش عايزة تحكي على وهبه ربنا لها في حب الناس وقدرتها على إسعادهم، لكن هي دلوقتي تستحق الناس تعرف بجد هي أد إيه إنسانة نادرة، وبالذات إنها احتفظت بإنسانيتها وبأمومتها في حرب الفن والظهور والنرجسية اللي بتصيب الفنان مهما كان قوي وثابت لكن الأضواء ليها مفعول سحري بتيغير الناس إلا دلال عبد العزيز».
وكانت الفنانة دلال عبد العزيز وافتها المنية، بعد مضاعفات ما بعد كورونا.
لمشاهدة أجمل صور المشاهير زوروا أنستغرام سيدتي
