يحتضن موسم الرياض الذي تنطلق فعالياته في 20 أكتوبر الجاري 14 منطقة تشمل 7500 فعالية، تتضمن 70 حفلة غنائية عربية، و6 حفلات غنائية عالمية، إضافة إلى 10 معارض عالمية، وإقامة 350 عرضًا مسرحيًا، و18 مسرحية عربية، و6 مسرحيات عالمية، ومعارض ومزادات للسيارات، بالإضافة إلى بطولة واحدة للمصارعة الحرة، ومباراتين عالميتين، وبطولة للألعاب الإلكترونية، و100 تجربة تفاعلية، إلى جانب 200 مطعم و70 مقهى تناسب بتنوعها أذواق الحضور والشرائح العمرية كافة.
إليكم نظرة على مناطق موسم الرياض والتي كشفت عنها الهئية العامة للترفيه..
رياض بوليفارد
بوليفارد رياض سيتي من أكبر مناطق موسم الرياض وهذه السنة، تعود وجهة السيّاح المفضّلة بثلاثة أضعاف حجمها السابق تحتوي على ثمانية مناطق ثانوية تفوق الخيال - تتميز كلّ منها بمجموعتها الخاصة من الفعاليات، المطاعم، المهرجانات، والمتاجر المصممة لجميع الأذواق والأعمار.
ڤيا رياض
منطقة راقية تم تصميم كل زاوية فيها حتى تمثّل هوية مدينة الرياض بأبهى حلّة تقدّم لزوّارها تجربة استثنائية من سينما ومطاعم فاخرة، متاجر من أرقى العلامات التجارية، وإقامة في فندق عالمي.
كومبات فيلد
قد مرة لعبت لعبة وتحمست بزيادة اللي ودك تفزع وتدخل في الهوشة معاهم صدق؟ جاك يا مهنا ما تمنى! الحين تقدر تفرغ طاقتك وحماسك لسنة قدام في مكان كله دبابات وأسلحة ورماية وحتى فيه معارض للأسلحة القديمة والجديدة، لا وبعد فيه ميادين تقنية كأنها جايّة من المستقبل.
ونتر وندرلاند
ونتروندرلاند الرياض شي رهيب! هالسنة أكبر وألعابها أكثر وما تكفيها زيارة وحدة، فيها ٥٣ لعبة و ستة مناطق تناسب الكل، تقدر تقول تدبلت معها الوناسة متأكدين أنك بتطير من الوناسة فيها!
واجهة الرياض
واجهة الرياض هي المكان اللي تروح له ويخلص الوقت وما تحس! فيه كل شي تدور عليه! تخيل إنك تشوف أكبر معارض في الشرق الأوسط كله! هذا غير معارض للقيميرز واللي يحبون الأنمي كلها في مكان واحد.
المربع
الفن و الفنون، وجمال العيون، والمطاعم العالمية اللي بتعيشك تجربة خيالية هنا في المربع.
رياض سفاري
سفاري الرياض هو مكان كل شيء نادر وما له شبيه، فيه حيوانات نادرة وأول مرة بتشوفها في الرياض! جبنا الفيل والأسد والفهد والطيور وغيرها من الحيوانات اللي تمشي وتطير حولك وحواليك وفيه بعد فعاليات وألعاب متأكدين أنها بتعجيك.
العاذرية
في هالأجواء شد الرحال للعاذرية، لمكان يحلي أيامك الشتوية بالمطاعم العالمية والموسيقى اللي تحطك بالمود الصح.
أوايسس الرياض
بين الرمال وفي منطقة بعيدة عن الزحمة، بتكون وجهتك لليالي ممتعة وجميلة، فيها أشهر المطاعم العالمية وبتسمع فيها الطرب الأصيل وبتشوف فيها فنون وعروض تناسب أجواء المكان.
ذا قروڤز
في منطقة ذا جروفز بتعيش التجربة بكل تفاصيلها، بدون لا توثق ولا تصور اللحظة، لأنه جزء من المتعة اللي ودنا تجربها في كثير مناطق تستاهل أنك تتخيل جمالها من فنون، ومقاهي ومطاعم.
نبض الرياض
في نبض الرياض بتشوف ثقافاتنا وتراثنا بطريقة مختلفه بفنون وعروض ثلاثية الأبعاد، وبتشوف كثير من المناطق التراثية اللي زيناها بتقنية الحس البصري اللي بتخليك مستمتع بالمناظر اللي حولك طول زيارتك.
قرية زمان
قرية تراثية فيها جمال حياتنا أول وأسلوب وطابع حياتنا اليوم، تنفع لجيلك وكل الأجيال اللي بعدك وقبلك فيها جلسات تراثية وعروض وطرب بتخليك تعيش التجربة زي ما تبيها وأحسن!
شجرة السلام
يا مدوّر الروقان ترى شجرة السلام موجودة! في هالمكان بتلقى الهدوء اللي تدور عليه، مكان بيسحرك بطبيعته وأجواءه الموسيقية من الآخر بتعيش السّلام.
خلوها
أول ما تسمع "الصفوف وين؟" أعرف أنك داخل منطقة الردية، اللي لها محبين جاهزين للصفوف في خلوها فعاليات وأمسيات شعرية مع قهوة وهيل وبخور خلوها تزين السمرة وتصير الليلة قمرة مع شعراء على مستوى المملكة.
