كشفت الفنانة السورية المقيمة في مصر سارة نخلة، عن تجربتها للعلاج من عضة كلب، بعد الاشتباه في احتمال إصابتها بفيروس السعار، وأكدت أن الكلب الذي عضها ملك لصديقتها، وليس كلبها الصغير الذي يظهر معها في أغلب جلسات التصوير ويمتلك حسابا مستقلا على انستغرام.
سارة أكدت أنها ظلت تبحث عن حقن السعار في المستشفيات الخاصة بعد تورم مكان العضة ولم تجدها، ولكنها حصلت عليها مجانا داخل إحدى المستشفيات الحكومية، وقالت عبر حسابها بموقع الفيس بوك: الصبح عضني كلب، المهم روحت مستشفى خاص قالولي مش موجودة الحقنة ولازم اروح مستشفى حكومي، وبعدها روحت مستشفى زايد التخصصي، دخلت اقسم بالله خمس دقايق طوارئ، ادوني الحقنة وفاضل لسه أربعة وادوني ورقة فيها مواعيد الحقن الباقية.
وأضافت نخلة فى البوست: ولا مليم ولا مليم يا جماعة ومستشفى محترمة ودكاترة عارفين ربنا بجد، ولا يعرفوني أصلا عشان ماحدش يقولي عشان انتي ممثلة وكنت حاطة كمامة طول الوقت أصلا.
واختتمت روايتها قائلة: انا بس عايزة اقول تحيا مصر ألف مرة ألف مرة، اقسم بالله لو اي بلد تاني زماني كنت مسعورة وراقدة جنب الكلب بهوهو وبتعشى معاه دراي فود.
وسبق أن خضعت سارة نخلة، لعملية جراحية عام 2019 بسبب "قرصة نملة"، تسببت في إصابتها بالتهاب تحول إلى تجمع بكتيري واحتاج لتدخل جراحي عاجل.
نشرت نخلة صورة لها من داخل بالمستشفى، وعلقت عليها قائلة: أنا أول مرة بعمل الحركة دي ولا عمري حبيت حد يشوفني تعبانة أو ضعيفة بس الحوار غريب شوية أو شويتين الحقيقة، دي كانت ليلتي في المستشفى بعد ما روحت البيت بعدين حسيت بوجع رهيب روحت.
وتابعت: عملت نقدر نقول نصف عملية عشان التخدير كان موضعي عشان مش عارفة أستحمل الألم بس غير إن أنا كان عندي برد أصلا وبقالي أربعة أيام مش باكل كويس ومش بنام كويس وكل شوية بدوخ، بس السبب اللي دخلني المستشفى بالليل وبكل بساطة هو نملة.
وأضافت: صدقوني نملة.. تخيلوا لما تبقوا طول الوقت بتحاولوا تبقوا أقوى وكويسين وتيجوا على نفسكوا وفي الآخر نملة تدخلكو العمليات.. ببساطة نملة قرصتني عملت التهاب بعدين خراج وكل دا أنا فاكرة إنها ناموسة عادية.
وقالت: عشان أنا جسمي حساس جدا بس وصلت لدرجة بالليل أني مش عارفة أقعد دقيقة من الوجع والسخونية والدوخة دخلت الطوارئ، على طول والدكتور فتح الخراج طبعا كنت بموت من الوجع بس الحمد لله عدت على خير.
واختتمت: الحمد لله على كل حال وأنا في بيتي دلوقتي بس يا رب أبقى أحسن والجرح يلم بسرعة عشان أقدر أوقف تاني.
لمشاهدة أجمل صور المشاهير زوروا "انستغرام سيدتي"
ويمكنكم متابعة آخر أخبار النجوم عبر تويتر "سيدتي فن"
