اعترفت الفنانة حنان مطاوع إنها شديدة العصبية، وتغضب بسرعة وبطريقة ظاهرة، ولا تفوّت أي خطأ لزوجها داخل المنزل، ولكنها بنفس الوقت أكدت أنها "شخصية عاقلة" وتحافظ على بيتها، وحريصة على معرفة عيوبها وعلاجها من أجل إسعاد زوجها.
وردت حنان على سؤال الإعلامي عمرو أديب خلال استضافتها في برنامج "الحكاية" المذاع عبر قناة MBC مصر: إنت من النوع العصبي ولّا من الزوجات اللي بتقول عدي وخلينا نعيش؟، وقالت: أنا قمّاصة ومبعديش بس عاقلة في حاجات تانية، إنسانة عادي.
وأضافت: أكيد في حاجات لازم تعديها، وكل ما تنضج وتثق أكتر في شريكك، ويبقى في لغة حوار وعشرة أكتر ده بيهذب.
وتابعت: مفيش حاجة بتختفي، هو حقه إن أنا أهذب من نفسي، والحاجات اللي مش عاجباه أقاومها عشان هو شريكي وحقه إن أنا أسعده أو أجتهد.
وأكدت حنان مطاوع أن بيتها مشتعل لسبب آخر وهو "النزاع الكروي" بين زوجها ووالدتها الفنانة سهير المرشدي وقالت: زوجي مشجع للنادي الأهلي، وأمي مشجعة متعصبة لنادي الزمالك، أما هي فتشجع المنتخب المصري.
وتحدثت حنان عن حلم البطولة المطلقة قائلة: جزء كبير من شغلانة الفن يتوقف على المغامرة، وأنا مش بخاف، لكن المغامرة تكون محسوبة، لكن أنا لا أحب فكرة أني أكون لوحدي.
وعن قيامها ببطولة فردية، ردت قائله: شوفنا نموذج السنة الماضية كان عظيم جدا، سواء في القاهرة كابول أو في الاختيار"، متابعة: كان فيه أكثر من عمل لنجوم مهمة جدا يتحملوا أنهم يتنافسون.
وتابعت: "حتى لو بقى عندي البطولة المطلقة، الأدوار اللي بجوار الشخصية مهمة جدا بتنور وتزيد النجاح.
وعبرت حنان مطاوع عن سعادتها وفخرها لأنها ابنة كرم مطاوع وسهير المرشدي وقالت: ليا الشرف أن اهلي يكونوا القامات دول، ولكنها نفت أن تكون الموهبة بالوراثة وقالت: أنا مش شايفة إن الفن وراثة هو قدرة على التعبير عن الناس والاحساس بيهم والتعبير عن مشاكلهم، افراحهم، همومهم وتقدر تثقله بالدراسة بالتجربة بالخبرة لكن هي حاجة من عند ربنا.
وتابعت قائلة: مفيش حد موهوب حقيقي وبيصدق اللي بيعمله وميحبش يوصل لقمته ومقصدش نمبر 1 ونمبر 2 لأن الفن ساحته بالعرض مش أفقية تتسم للكل.
وكشفت حنان مطاوع عن تحضيراتها لدور "منال"، الذي قدمته في مسلسل "القاهرة كابول" قائلة: إن حضرتك تحول شخصية مكتوبة حتى لو كانت مكتوبة بشكل عظيم زي كتابات أستاذ عبد الرحيم كمال إلى لحم ودم، ونموذج ممكن تقول جارتي أو بنت خالتي فيها من منال، إنت بتحط من روحك ولازم تستقي من شخصيات شفتها في الحياة، أنا بذاكر وإديتلها تاريخ."
وردا على سؤال عن قراءتها عن التنظيمات الارهابية قبل المسلسل قالت: مش حتتي، أنا معملتش الإرهابي، عملت المصري فكان مهم قوي أتحلى بالروح المصرية، وتبقى بنت جدعة جدا عشان المصريات كده، المصريات بـ 100 راجل، ودمها خفيف وأصيلة وعاطفية جدا.
لمشاهدة أجمل صور المشاهير زوروا «إنستغرام سيدتي»
ويمكنكم متابعة آخر أخبار النجوم عبر «تويتر» «سيدتي فن»
