أعلنت الفنانة هنا الزاهد، تعافيها من فيروس كورونا، دون أن توضح موقف زوجها الفنان أحمد فهمي، كما وجهت رسالة لكل متابعي مسلسلها الجديد "أنا وهي" للتفاعل مع تعليقاتهم الايجابية خاصة بعد عرض حلقة حفل الزفاف، وأكدت أن المسلسل يتكون من 18 حلقة فقط.
الزاهد، نشرت صورة لها عبر حسابها الرسمى بموقع إنستغرام وعلقت عليها قائلة: الحمد لله سلبى كورونا، وتابعت: مبسوطة جدا بردود افعالكوا على مسلسل "أنا وهى" والمشاهدات العالية على المسلسل، شكرا لكل الناس اللى بعتولى على شخصية "هند" شكرا لكل الناس اللى كلمتنى، بجد شكرا لأنى تعبت جدا فى الشخصية دى.
واختتمت رسالتها قائلة: عايزة أشكر منتجة المسلسل والمخرج سامح عبدالعزيز لأن بجد كانوا مهتمين بكل تفصيلة عشان المسلسل يطلع كده، وأستاذى أشرف عبدالباقى وصديقى أحمد حاتم بجد اتبسط واستمتعت جدا بالتمثيل معاكوا فى المسلسل، ولكل اللى بيسأل المسلسل 18 حلقة.
وسبق ان تفاعلت هنا الزاهد سريعا مع توجيه اتهام لها بالتهوين بجريمة التحرش بالفتيات ووصفها ب"المعاكسة" في الحلقة الخامسة من مسلسلها الجديد "أنا وهي"، وأكدت إن موقفها من التحرش ثابت وسبق لها التقدم ببلاغ رسمي ضد أحد المتحرشين، وأشارت إلى أن الموقف داخل المسلسل يبنغي فهمه في سياقه الدرامي، وتقدمت باعتذار لكل الفتيات اللواتي شعرن بالضيق.
هنا تلقت الاتهام من حساب متخصص في مكافحة ظاهرة التحرش بالنساء في الشوارع على موقع تويتر، الذي غرد قائلا: مش كفاية؟ هنفضل نقول لحد امتى ان التحرش مش مادة للهزار؟، التحرش ده trauma ومش طبيعي دكتور نفسي يتهاون فيه بالشكل ده. تحليل الشخصية على عيني وعلى راسي بس احنا في سياق في ناس كتير جداً شايفة ان المعاكسة دي مجاملة ومش تحرش فحقيقي الموضوع مش ناقص. يمكن لو كنا في زمن أو مكان تاني كنا قولنا أصل هي الشخصية كده.. لكن ده نمط في ثقافتنا.
انا عمري مسمح اني اهزر في التحرش.اولا انا في الحقيقة اكيد عارفين واقعة الاتوبيس و اني روحت الاقسام و ارتحت نفسيا لما خدت حقي.المسلسل ده بيتكلم على اتنين مرضى نفسيين الشخصية دي دائما بتقول للدكتور النفسي بتاعها ان مفيش حد هيبصلي بسببب سلوكي العدواني و هنا الشخصية بتكذب و هو عارف.١
— Hannah El-Zahed (@HannahElZahed) January 6, 2022
وردت هنا عبر ثلاث تغريدات لشرح حقيقة الموقف وقالت في الأولى: الدكتور بينزل لمستوى فكرها المحدود و سالها لان في المشهد اللي قبليه بتقولوا الناس مستنيني انزل من البيت يلمحوني بس لان العرسان وقفة طوابير.محدش طبيعي هيتبسط لما يتعاكس بس دي شخصية مريضة نفسيا و لما اتحطت ف مشهد معاكسة في حلقات قدام مسكتتش و خدت حقها عكس ما بتقول.
تابعت مغردة: لو شوفتوا البرومو في واحد تحرش بيها لفظيا و هو على الموتسيكل و مسبتش حقها و ردت و بهدلتوا و اللي بيتفرج عارف ان الشخصية دي مبتسبش حقها اصلا. ياريت قبل منهاجم نتفرج منخدش جملة و نقول ليه قالت كده عشان انا مقدرش اهزر في حاجة زي كده لاني عنيت منها زي بنات كتير!
أضافت: انا عمري مسمح اني اهزر في التحرش.اولا انا في الحقيقة اكيد عارفين واقعة الاتوبيس و اني روحت الاقسام و ارتحت نفسيا لما خدت حقي.المسلسل ده بيتكلم على اتنين مرضى نفسيين الشخصية دي دائما بتقول للدكتور النفسي بتاعها ان مفيش حد هيبصلي بسببب سلوكي العدواني و هنا الشخصية بتكذب وهو عارف.
وتقدمت بالاعتذار في التغريدة الثالثة قائلة: هو فعلا لو كنا في زمن تاني كان هيبقى عادي و مفيش حاجة. ايام الابيض و اسود في الافلام كان في معاكسات اللي مش بتخدش و تجرح البنت. بس العيب في الزمن اللي احنا فيه. بعتذر لاي بنت ممكن تكون اضايقت.
مسلسل "أنا وهي" تأليف مصطفى حمدى وإخراج سامح عبدالعزيز، وبطولة أحمد حاتم، أشرف عبدالباقى، ميرهان حسين، عارفة عبدالرسول، محمد ثروت، محسن منصور، محمود البزاوى، سلوى محمد على، ندا عادل، محمد الصاوى، وعدد من ضيوف الشرف.
لمشاهدة أجمل صور المشاهير زوروا «إنستغرام سيدتي»
ويمكنكم متابعة آخر أخبار النجوم عبر «تويتر» «سيدتي فن»
