طالبت الفنانة كارولين عزمي، بعودة حقها القانوني بعد تعرضها لحادث تحرش داخل سيارتها، ووثقت تفاصيل الحادث، عبر مقطعي فيديو، كما روت التفاصيل الكاملة للواقعة، مشيرة إلى أن الخوف منعها من تصوير بقية ما حدث لها من إهانة بالقول والإشارة.
ونشرت كارولين عزمي مقطعين فيديو من الحادث، عبر حسابها الشخصي بموقع انستغرام، وكتبت معلقة عليها: مساء الخير، أنا اللي يعرفنى أو متابعنى عارف أني شخص مالوش فى المشاكل، ولا عمري شاركت مشكله تخصنى سوشيال ميديا.
وأضافت: النهاردة كنت فى عربيتي وجنبي عربية فيها واحد كسر عليا كل اللي عملته إنى بصيت له وبصيت قدامي، فلقيته بيكرر نفس الحركة تانى باستظراف، روحت طلعت الموبايل وعملت نفسي بصور عشان اخوفه واخليه يبطل يضايقنى، اتفاجأت وهو بيقول لى بتصوريني يا بنت لفظ خادش.
وأكملت باقي تفاصيل الواقعة: ساعتها اتخضيت وبدأت أصور بجد وأنتم هتشوفوا في الفيديو الحركات اللي بإيده والشتايم، وبدأ يقول لي تعالي ورايا، والحقيقة إني مش عارفة أروح وراه فين أو كان عايز يعمل ايه، ولأني اتوترت وخفت ساعتها ما قدرتش اصور 1% من اللي عمله الشخص دا.
وتابعت كارولين عزمي معبرة عن استيائها من أفعال المتحرش: أنا اتشمت واتنهت واتشمت بأهلي بأقذر الشتايم النهاردة من حد معرفوش ولا عملت له حاجة، ولا فتحت بوقي لمجرد إنه شخص مريض!، أكيد الشخص دا أذى بنات كتير لإنه تقريبا متعود على الحركات دى، ومتعود يخوفهم ومش همه حتى إنه يتصور ويتفضح، أنا عايزة حقي يرجع لي.
وتضامنت معها زميلتها هدى المفتي قائلة: انا مش عارفة أقول اية بجد !!!!! متزعليش نفسك حقك هيجي، بينما قام عدد كبير من متابعيها بمشاركة المنشور مع وزارة الداخلية المصرية، خاصة وأن مقطع الفيديو المنشور يكشف بوضوح عن أرقام العربية ويمكن بسهولة العثور على قائدها.
لمشاهدة أجمل صور المشاهير زوروا «إنستغرام سيدتي»
ويمكنكم متابعة آخر أخبار النجوم عبر «تويتر» «سيدتي فن»
