نشرت الفنانة منال سلامة أول صورة لابنها بعد خضوعه لعملية جراحية دقيقة، داخل أحد المستشفيات المصرية، ووضعت تعليقا اعتذرت فيه من جمهورها، مؤكدة إنها اعتادت مشاركتهم الأخبار السعيدة والصور الجميلة فقط، ولكن هذا المنشور يمثل فرصة لتكشف للجميع إن "الحياة صعبة" وليست "بمبي" طوال الوقت كما يعتقد البعض.
منال سلامة نشرت صورة نجلها بعد خروجه مباشرة من غرفة العمليات متوجها للعناية المركزة، وذلك عبر حسابها الرسمي بموقع الفيس بوك، وعلقت على الصورة، قائلة: ده ابني لسه خارج من العمليات، ادعوله ربنا يتمم شفاه على خير.
وتابعت: أنا عمري ما نشرت أي خبر وحش عني أوعن أسرتي، ديما بنحط الصورة الحلوة، أنا بقول الكلام ده عشان الناس فاكرة الحياة بمبي طول الوقت، وده مش حقيقي.
وتحدثت عن صعوبة العمل الفني قائلة: أنا دلوقتي في المستشفى مع ابني لوحدي عشان جوزي بيصور مسلسل نقل عام اللي بيتعرض على الهواء حاليا، وشغلتنا مافيهاش أي رحمة ودي مش أول مرة أتعرض للموقف ده، علشان احنا بنشتغل شغلانة بدون قلب والناس فاكرة إن حياتنا من غير متاعب، الحمد لله وربنا يتمم شفاه على خير يارب.
لمشاهدة أجمل صور المشاهير زوروا «إنستغرام سيدتي»
ويمكنكم متابعة آخر أخبار النجوم عبر «تويتر» «سيدتي فن»
