ضمن احتفالات مصر باليوم العالمي للمرأة قدمت النجمة هدى المفتي شهادتها عن كيفية مواجهة ظاهرة التنمر على السوشيال ميديا، ووصفت نفسها بالشخصية "الحساسة"، لافتة إلى أنها تعلمت مؤخرا تجاهل التنمر والتعليقات المسيئة، والابتعاد عن التفاعل مع أي كلام من الممكن أن يؤذيها نفسيا.
وأضافت هدى خلال كلمتها في ملتقى She Can: من أكتر الحاجات اللي مريت بيها إني أتجاهل أي كلام بيئذيني نفسيا، والتنمر اللي على السويشال، أنت معرض لتنمر طول الوقت، وممكن تلاحظي أن اصحابك بيتنمرو عليكى، الناس اللي بتحكم عليكي من مظهرك، أو دور ميعجبش الناس، ممكن أعمل دور ميطلعش كويس أو ميعجبش الناس ممكن أشوف نقطة ضعفي وأحاول أغيرها أو هرفض العمل علشان متعملش نفس الغلطة.
وتحدثت عن أحدث أعمالها، وقالت: اختياري لدوري في مسلسل بيمبو مكنش الاختيار الأول لمسلسل، ومش مكسوفة أقول كده، ممكن تكون الاختيار العاشر بس تسيب بصمة.
وعن أكبر التحديات التي واجهتها خلال مشوارها الفني، أضافت هدى المفتي: أكبر تحدي مكنش في شغلي كان لنفسي، فكرت في حاجات كتير وفي الأوقات اللي مريت بيها، والمقالات اللي بتهزني خصوصا اللي عن شغلي، ببقى بشوف الحاجة وحاطة إيدي على قلبي.
وأردفت هدى المفتي: سنة 2020 كان سنة هادئة بس نفسية متعبة على كل الناس على الكل لو حد معاه جنية بيخاف عليه الناس بتشري 10 علب صلصة العالم بيخلص، اتعلمنا فيها كلنا يعني الناس طلعت مواهب رسم وطبخ وغناء.
واستكملت حديثها: أنا حاولت أطور من نفسي وأقرأ كتب وأنام كفاية وأتفرج على التليفزيون وآكل مع أصحابي، وبالتأكيد كنت خايفة من كورونا.
لمشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
