كشف المخرج أحمد خالد أمين عن خضوعه بصورة طارئة لعملية جراحية في المعدة، بعد حدوث ثقب في الإثنى عشر عقب انفجار قرحة ومن المقرر أن يغادر المستشفى خلال أيام.
وطمأن أحمد خالد أمين الجمهور على حالته الصحية من خلال منشور عبر صفحته على موقع الفيس بوك، وكتب قائلًا: الحمد لله والشكر لله ربنا كبير أوي علشان أبقى بكتب دلوقتِ بأيدي وفايق كده ده بفضل ربنا وتسخير عباده الصالحين، أنا عملت عملية كبيرة بس الحمد لله عدت على خير وهخرج من المستشفى خلال أيام.
وأضاف: عملية ثقب في الاثنى عشر بسبب انفجار قرحة في المعدة، العادات السيئة يا جماعة بطلوها أرجوكم افطروا واشربوا مياه، الصحة كنز لا يفنى، وعاوز أشكر كل اللي لحقوني وكانوا جانبي، أستاذ جورج رمسيس المنتج الفني كنت أكتر من أب وجورج الصغير الراجل اللي مفيش منه راجل من ظهر راجل وشيرين أكمل الست الجدعة الأصيلة، وإيهاب فهيم.
تابع قائلا: بجد مش عارف ألاقي كلام يعبر عن اللي عملتوه، وإخواتي وأصحابي اللي طلعت بيهم، محمد وجيه ومحمد السعدني اللي عنده أصحاب زيكم الدنيا بخير، وعيلتي كلها وعيلة دينا زوجتي كلهم، وأخيرًا وليس آخرًا أم عيالي اللي مفيش منها اللي قاعدة جانبي ٤ أيام أنا بنام وهي صاحية، ربنا يخليكِ ليَّ ولولادنا، إن شاء الله أيام وأكون في البيت في وسط لمة البيت، والحمد لله أولًا وأخيرًا.. دعواتكم.
لمشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
