تقدم الفنان مصطفى درويش، باعتذار صريح من النجمة هند صبري، مؤكدا أن تصريحه الرافض لمشاركتها في احتفالية موكب المومياوات الملكية، صدر بسبب معلومة مغلوطة حول اختيار هند بمفردها في الاحتفالية واستبعاد بقية نجمات مصر.
وأضاف درويش، خلال حواره مع الإعلامية بسمة وهبة مقدمة برنامج "90 دقيقة"، على قناة المحور: قرأت أن الجهة المنظمة للاحتفالية قررت الاستغناء عن كل نجوم ونجمات مصر واعتمدت على هند صبري فقط.. أنا واحد عادي وطبيعي ومش بتعامل على السوشيال ميديا إني نجم وفنان، وكتبت يا جماعة إحنا معندناش حد مصري يتكلم عن مصريته، فجايبين حد من بره مصر.
تابع قائلا: أنا مصري، وأقول رأيي في مصريتي في أي وقت، وأدافع عنها في أي وقت.
أضاف: أخطأت في حق هند صبري، لأنها مصرية ومتزوجة وتعيش في مصر، هند مينفعش أتكلم عنها كده، واعتذرت لها، وأنا أسف يا هند، أنا بحبك ومكنش قصدي.
ورد مصطفى درويش على الجدل المثار عقب تصريحاته عن الفنانة شيرين رضا وقال أنه تلقى عددا من المنشورات تخبره بأنها تسخر منه، وتابع قائلا: أنا مردتش ومعرفش ايه قصة سخريتها وبعدها عرفت ايه اللي اتقال فاتقال بالنص "ايه رايك في انسحاب مصطفى درويش في الملحد" قالت "مين دة معرفوش وهو مقراش الورق واعتقد أن دوره مش مهم ودة بيركب التريند.
وتابع: أنا اتكلمت بأدب جدا وقلت أن في فرق عمري بيني وبينها ودة مش عيب أنا كنت بتفرج على شيرين رضا في كليب عمرو دياب وانا عندي 10 سنين، فانا عارفها من زمان ومصر كلها بتموت فيها.
وواصل توضيحه قائلا: هو أنا علشان قلت أنها أكبر مني سنا ابقى بهينها والبوست كان بيقول حقها في فرق عمري فربنا يديها الصحة وفي فرق أجيال بينا فمش هتعرف كل الفنانين.
وتابع: كان ممكن تقول أنا متعاملتش معاه قبل كدة وهو اتسرع وانا رديت بكلام عادي جدا، لكن اللي قالته مكنش عيب ولا هو في فئة تنتقد واحنا نسكت.
وردا على سؤال حول تعرضه للكراهية داخل الوسط الفني بسبب مواقفه قال مصطفى درويش: طبعا بيحبوني اومال بشتغل ازاي وانا اسمي بيبيع وعملت ويبقى الأثر وعمل أعلى نسبة مشاهدة على القناة ومشارك في سوتس بالعربي وراجعين يا هوى بأدوار رئيسية.
لمشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
