نفى الفنان حسن يوسف صحة تصريحات منسوبة إليه حول أن المشاهد الرومانسية في الأعمال الفنية قديما كانت خالية من المشاعر ولهذا لا يعتبرها حراما، مؤكدا أنه لم يصدر عنه مثل هذا الكلام ولا يعتبر نفسه شيخا حتى يقدم فتوى حول الحلال والحرام في الفن، مستشهدا بحوار سابق مع الشيخ الشعراوي، وأشار إلى أن التصريحات المنسوبة له شهدت تحريفا لدعابة قالها أثناء الحوار.
أضاف حسن يوسف خلال اتصال له مع بالعربي Et: أنا مقولتش الكلام ده أنا مش شيخ ولا مفتي عشان أقول ده حلال ولا حرام، أنا بنكت معاه بقوله لا لون ولا طعم ولا رائحة زي المياه بالظبط حتى تدخل تتمضمض بعدها تلاقي نفس الطعم قالك تدخل تتمضمض بعدها علشان ده حلال ولا حرام وقال حاجة من عنده كده.
أضاف: كنت قاعد مع الشيخ الشعراوي وسألني الكوباية بنشرب فيها ايه؟ قولتله شاي، فقالي لو حطينا بدل الشاي ده منكر قولت له يبقى حرام، قالي إيه ذنب الكوباية، فالفن زي الكوباية دي بيتقدم فيه حلال يبقى خلال بتقدم فيه حرام يبقى حرام.
تابع: أنا مش عاوز أتكلم في الموضوع، ده موضوع مالوش لازمة يعني يتسأل عنه أصحابه اللي بيأدوه، اللي بيأدوا نفس المشاهد يعني.
لمشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
