أطلقت النجمة عبير صبري رسالة للتحذير مما تفعله السوشيال ميديا في بعض الشباب، مؤكدة أن حلم الوصول إلى الشهرة والثروة، يدفع بعضهم لارتكاب جرائم، وطالبت بتخصيص قوات أمنية متخصصة لمتابعة ما يحدث على مواقع التواصل الاجتماعي، والتصدي له مبكرا.
عبير نشرت رسالتها عبر كل منصاتها بمواقع التواصل الاجتماعي وقالت: الضغوط على الناس والشباب عالية جدا، خصوصا على السوشيال الميديا الشريرة اللي بتوري صورة للناس على إنهم متميزين وبيرفكت من خلال صور مزيفة ومش حقيقية، وصور بالفلاتر وصور الأكل الفاخر والملابس الفاخرة والسفريات للمالديف وغيره والشنط الغالية والأجسام وعمليات النحت، وعايزة أبقى شبه فلان أو فلانة وعايز أبقى مشهور وخلاص".
وأضافت عبير صبري: "حتي لو شهرتي قايمة على إني أتصور وخلاص واسمي اللي بعمله بلوجر، وده شيء بلا محتوى أو قيمة حقيقية وعايز تليفون زي اللي في إيد صاحبي وقرف كتير والشباب مش عارف يبقى سعيد لأنه عايز ساعة غالية وعربية غالية، ومبقاش حد بيدور على معنى السعادة الحقيقية، وكل الناس بتقلد بعض".
وتابعت: "أرجوكم السوشيال ميديا دي لازم يبقي ليها ظابط ورابط، لازم الدولة تتدخل، لازم يبقى فيه بوليس للسوشيال ميديا دي، ما يقدر على القدرة إلا ربنا يا جماعة".
واختتمت عبير صبري قائلة: "شاركوني آراءكم إيه السبب في الانتحار اللي شوفناه من شباب صغير لسه قدامه الحياة وجريمة قتل مرعبة لبنت مسكينة ملهاش ذنب، تفتكروا الشباب محبط كدة ليه، صدقوني كل الناس عندها مشاكل حتى لو مش بتظهر ده للناس وبيظهروا عكس كدة".
وردت عليها متابعة بالحديث عن تجربتها الشخصية مع أولادها قائلة: للأسف دى مشكله كبيره جدا وعندى نفس المشكله انه الولاد حاسين انهم عايشين فى دنيا والناس على منصات الكذب والتجمل فى دنيا تانيه بعيده وجميله وحاسين انهم مقهورين وده بيوصل ولادنا للبطر على الاهل والبيت وعدم تقدير مجهود الاهل لانه مهما عملو مش هايقدرو يوفرو اللى بيشوفوه ونفسهم يحققوه وده سبب انهم بيوصلو لمرحله العزله والاكتئاب ومنها للاسوء طبعا ارحمونا ارجوكم يا بتوع السوشيال ميديا وعيشو وبلاش الجهر بحاجات خداعة واكذبوا فى صمت بعيد عن ولادنا.
لمشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
