بكى الفنان رضا حامد، على الهواء، أثناء حديثه عن سبب استبعاده من مسرحية "بودي جارد" للفنان عادل إمام، وعدم ظهوره في النسخة المصورة تلفزيونياً، مؤكدا أن "الزعيم" طرده بعد وشاية تضمنت كلاما مغلوطا، وأكد الفنان الكوميدي المصري أنه لا يجد عملا، ويقوم ابنه بالبحث عن فرصة له.
أضاف رضا حامد خلال لقائه ببرنامج "كلام الناس" المذاع على قناة "MBC مصر": اشتغلت مع عادل إمام ٩ سنين وناس نقلت له كلام غلط عني فاستبعدني من مسرحية بودي جارد، وتم استبعادي من النسخة اللي.
وتابع: عادل إمام تاريخ كبير جدا وربنا يعفو عنه إذا كان فيه ظروف صحية مش كويسة واشتغلت معاه 9 سنين وفي أحد المواقف على المسرح قاللى ياواد يا رضا انت ممثل جامد أوي.
وأضاف: مهما حصل من اختلاف مع عادل إمام ولو ناس نقلت له كلام غلط عني منقدرش نجيب سيرته إلا بكل خير واحنا اتعلمنا الكوميديا والتمثيل منه.
وقال رضا حامد: بقالي فترة مش باكل عيش وابني بقى قلقان عليا وشايف إني ممثل كويس ومش شغال مع إن غيري بيشتغلوا عادي، لدرجة إنه بقى يبحث لي عن شغل وتواصل مع المؤلف عبد الرحيم كمال على الفيس بوك وطلب منه يشغلني، وعبد الرحيم قال له إني ممثل محترم وهيكون فيه تعاون بيننا مستقبلا.
لمشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
