رشا شربتجي نشرت مجموعة لقطات من المسلسل، عبر حسابها الشخصي على انستغرام، وعلقت عليها قائلة: «بتوقع هاد المسلسل آخد شقفة من قلبي و قلبكن كمان لأنو دايماً بسمع أنو العالم بترجع بتتابعو كل ما انعاد عرضو عالشاشة».

وعن ذكرياتها مع المسلسل الذي أخرجته منذ أعوام طوال، وتعبيرها عن فرحتها بها أضافت رشا شربتجي: «صعب أنسى تفاصيل مدرسة الفضيلة للبنات، حنية الآنسة حنان، ضحكة رزان، وصوت نضال العالي، حزن لينا، ووجع فرح ومرح، ودلع ريما، ومقالب خلود، وتمرد دانا، ودمعة رهف، وحب غزل، وكل قصص البنات اللي حكت كتير حكايات عن معاناة الصبايا بمجتمعنا العربي».

View this post on Instagram

A post shared by Rasha Shurbatji (@rasha_hisham_shurbatji)

واستكملت حديثها عن المسلسل الذي لم يكن بمثابة عمل فني فقط مر في مسيرتها قائلة: «أشواك ناعمة ما كان مجرد قصة عابرة، كان فيه كمية مشاعر مختلطة بدمعة وضحكة مع بعض، نَص محبوك للكاتبة رانيا بيطار دخل بعوالم نفسية مدروسة، وأداء فنانات عالي صاروا اليوم نجمات قدروا يكونوا بكل بساطة وعفوية متل بنات أي زمن، بأفكارهن وخوفهن وأسلوب حياتهن ضمن هي الشخصيات اللي لعبوها».

واختتمت حديثها عن ذكريات تصوير العمل: «ببتسم كل ما أتذكر لحظات تصوير هاد المسلسل وكيف تابعوه الناس بلهفة عالشاشة وأديش كنت سعيدة لما أسمع أصداء حلوة يمكن بقيت لليوم، ولهيك حبيت خليكن تبتسموا معي وتشوفوا هالصور الحلوين من ورا الكواليس».

مسلسل «أشواك ناعمة» شارك في بطولته سلافة معمار، نادين تحسين بيك، كندة علوش، نبال الجزائري، نادين سلامة، ديمة قندلفت، ليليا الأطرش، مصطفى دياب، عدنان أبو الشامات، غسان مسعود، وهو من تأليف رانيا البيطار، وإخراج رشا شربتجي.

رشا شربتجي كانت قد أدت مناسك العمرة منذ أسبوع تقريبًا، وحرصت على نشر مجموعة لقطات لها من أمام الكعبة المشرفة، وذلك عبر حسابها على انستغرام.

View this post on Instagram

A post shared by Rasha Shurbatji (@rasha_hisham_shurbatji)

وعلقت رشا شربتجي على الصور قائلة: «كمية حب وطاقة كبيرة وتجلي لله سبحانه وتعالى عشتها داخل الحرم المكي، حسيت بهالوقت أني خلقت من جديد، جددت روحي ولمست الكعبة المشرفة ودعيت لإلي ولبلدي وأهلي وناسي وأحبابي، وأملي بالله أنو يكون دعائي مستجاب».

وأضافت في تعليقها على أداء مناسك العمرة: «تقربت من رب العالمين أكتر، تواصلت معو وحكيتلو كتير شغلات، وشو حلو أنو تبوح بكل همومك و تعبك وأمنياتك لله وحده لأنو هو الوحيد اللي قادر يكون جنبك ويسمعك بدون أي أحكام أو شروط مسبقة، يارب تتقبل هي العمرة وتجعلها مباركة وتحل السلام والاستقرار ببلدي #سوريا وبكل العالم».