على طريقة إعلان لاعبي كرة القدم تجديد التعاقد مع أنديتهم، احتفل نجم فرقة مسرح مصر الفنان محمد أسامة أوس أوس بالذكري السادسة لزواجه، مؤكدا أنه جدد التعاقد مع زوجته مقابل 100 مليون حب ومودة واحترام.
محمد أسامة أوس أوس نشر عدة صور تجمعه بزوجته من كواليس الاحتفال بيوم زواجهما، وعلق عبر حسابه بموقع انستغرام قائلا: الحمد لله تم تجديد التعاقد مع زوجتي للموسم السادس ولمدة 100 موسم يارب مقابل 100 مليون حب ومودة واحترام ربنا يخليكي ليا وميحرمنيش منك أبدا.
وتفاعل عدد كبير من النجوم مع منشور محمد أسامة أوس أوس وخاصة رفاق رحلته في فرقة مسرح مصر، فكتبت إسراء عبد الفتاح زوجة حمدي الميرغني: بحبكوا أوي ربنا يحفظكوا ويخليكوالبعض، أما كريم عفيفي فعلق قائلا: كل سنة وأنتوا طيبين ربنا يسعدكوا دائما"، وكتب محمد أنور: ربنا يحفظكوا ويحميكوا يارب.
وسبق أن شارك أوس أوس تفاصيل قصة الحب التي جمعته وزوجته عبر حسابه بموقع انستغرام عبر منشور طويل للرد على انتقادات طالت زوجته وقال: انا مش محتاج ابرر واحكى اى حاجه عن حياتى والست اللى قلبى اخترها كنت ساعتها فى اول موسم لتياترو مصر كنا نتقاضى مرتبات مش ممكن تفتح بيت واول ما اتجوزت كنت اقعد فى بيت ايجار كمان انا بس هكتفى بالنقطتين دول علشان اصحاب العقول والنفوس المريضه يعرفوا ويبطلوا نغمه (الفلوس بتعمل اكتر من كده ) الفلوس ممكن تشترى سرير بس ماتشتريش النوم !
وتابع قائلا: ومش انا بس دا اغلب المشاهير اللى بتحسدوهم على حياتهم دلوقتى ماتعرفش بدا من امتى واتبهدل ازاى ولولا وجود حد جنبه بيسنده ويدعمه ماكنش هيعرف يعدى من اى مشكله نفسيه او ماديه فى حياته.
أضاف: ومش معنى انى بنزل اشتغل او بتصور وانا مبسوط ده معناه انى هموت من الفرحه بس دى مهنتى واجبى ناحيه جمهورى انى اخرجه من اى حزن هو فيه كل ده بعمله على حساب حزنى وجرحى ووجعى انا..وفى الاخر بتشتم برضه !
وواصل قائلا: انا بقول الكلام ده ولن اسمح باى تدخل فى حياتى الشخصيه مره اخرى سواء بالخير او بالشر او دخول اسم مراتى فى اى كلمه من كلام المرضى النفسيين..مراتى اللى اخوها متوفى و ابنها متوفى وماصدقت اول مره اخرجها نروح مناسبه ودمرتوها نفسيا تانى بكلامكم المريض.
واختتم منشوره قائلا: حسبى الله ونعم الوكيل فيكم.. حقك عليا ياست الكل سكت كتير وكنت بعدى لكن مفيش فايده.. كل واحد يركز فى حياته.. الطموح حلم مشروع عند كل الناس اسعى واتعب وكافح وربنا اللى بيكافئ مش البشر بدل ما تفضل تبُص فى حياه الناس.
ويعرض لأوس أوس فيلم "خطة مازنجر" مع الفنانة ياسمين رئيس، وحمدي المرغني، محمود حافظ، وبيومى فؤاد، وسماء إبراهيم، ومصطفى سعفان، وإسماعيل فرغلي، وياسر الطوبجي، ومحمد رضوان، إخراج رامى رزق الله.
لمشاهدة أجمل صور المشاهير زوروا «إنستغرام سيدتي».
وللاطلاع على فيديوغراف المشاهير زوروا «تيك توك سيدتي».
ويمكنكم متابعة آخر أخبار النجوم عبر «تويتر» «سيدتي فن».
