نفت الإعلامية بسمة وهبة عن نفسها تهمة التسبب في الأزمة المندلعة حالياً بين مطرب المهرجانات حسن شاكوش وزوجته ريم طارق، بعد ظهورهما المثير للجدل في برنامجها الشهير "العرافة" والذي شهد الكشف عن أسرار خاصة جدا تسيء للطرفين، ودعمت بسمة زوجة شاكوش مؤكدة أنها تحدثت بوضوح عن زيجتها الأولى وليس صحيحا أن شاكوش لم يكن يعرف أنها مطلقة.
أضافت بسمة خلال لقائها بـ et بالعربي وقالت: "في كلام بيدين ريم وأنا هبرأها منه، بيتقال إنها كذبت في إنها كانت متزوجة قبل حسن، لأ ريم مكذبتش، وهي قاعدة معايا في برنامج العرافة، لما هاجمتها وقولتلها إنتي ليه سجدتي شكر لله في الفرح وده كده شو، قالتلي لأ مش شو أنا كنت سعيدة.
وتابعت بسمة وهبة قائلة: وقالت لي أنا حسيت إن ربنا رزقني بحاجة بيعوضني بيها عن تجربة سابقة عانيت فيها، فطبيعي إن التجربة اللي هي تقصدها دي كانت تجربة زواج.
ودافعت بسمة عن نفسها قائلة: الناس قالت إن حلقة شاكوش وريم طارق فيها خراب بيوت، وأنا فعلا قولت لهم في الحلقة اللي بيقولوا شيخ العرافين ده خراب بيوت، وفي حاجات كمان اتشالت في المونتاج واتخانقت مع شيخ العرافين وقلت له أنت كده بتخرب البيوت والناس بتهاجمني أنا".
وتحدثت عن حسن شاكوش قائلة: "حسن شاكوش لافف وداير.. وكان عارف بزواج ريم طارق من قبل ما يتجوزها وفي كواليس كتير حصلت في برنامج شيخ العرافين وقت عرضه في رمضان اتمسحت في المونتاج عشان خراب البيوت".
وأضافت قائلة: يا حسن مش ممكن واحدة تضحك عليك وتقولك إنها آنسة وأنت متعرفش إنها كانت متجوزة.. وأنت قولت إنها جارتك وعزلت يعني عارف حكايتها كلها وكمان قالت قدامك فى الحلقة إنها عـانت من تجربة سابقة".
ريم طارق تكشف حقيقة اخفاء زيجتها الأولى
وسبق أن كشفت ريم طارق زوجة حسن شاكوش حقيقة الأنباء التي خرجت، بشأن طرد حسن لها لعلمه بعد الزواج أنها كانت متزوجة قبله دون أن تخبره، وهددت بكشف "تفاصيل تمس الأعراض"، بعدما استعان شاكوش بزوجها السابق، ومنحه مساحة للإساءة إليها رغم علمه بوجود قضايا لا زالت متداولة بينهما أمام محاكم الاسرة، وأكدت ريم أن حسن طلب اخفاء حقيقة زواجها السابق لأن والدته كانت تريد زواجه من "فتاة عذراء".
ريم طارق، بدأت مهمة الرد على ادعاء انكار زواجها بعد تداول مقطع فيديو لعقد قرانها على شاكوش قال فيه المأذون "إنها بكر رشيد"، وخروج عدد من رجال القانون ليؤكدوا أن عقد الزواج باطل، وألمح بعضهم لاحتمال إحالة ريم للنيابة بتهمة الغش والتدليس.
وقالت ريم طارق عبر منشور بخاصية الاستوري بحسابها على انستغرام: أن مصر كلها كانت عارفة إني متجوزة وعارفة ليه انفصلت بس أنت اللي حبيت تداري على الموضوع علشان البنات اللي كنت مواعدها بالجواز وقلت لهم أمي عايزة بنت تكون أول مرة تتجوز.
وردت ريم على ظهور طليقها إعلامياً وقالت في منشور آخر: أنا لحد دلوقتى متكلمتش ولا عبت ولا قولت ايه السبب علشان دی أعراض لكن تروح تتفق مع طليقى يطلع يتكلم وأنت عارف إني رافعة عليه قواضي وماخدتش حقوقی منه لحد دلوقتي فروحت تتفق معاه عيب عليك عيب تجيب واحد أبويا فاتحلو مشروع ومعايا كل وصولات الأمانة ومع ذلك محبستوش وأنا قبل ما اتجوزك عملت كل تحاليل التثبت دا فا شغل رخيص اوووي يا حسن بتتحاما في واحد عبيط، زي ده.
طليق زوجة حسن شاكوش يكشف مفاجآت
وكشف أحمد طليق ريم طارق زوجة حسن شاكوش، مفاجأة بشأن الخلافات التي حدثت بينهما، كما كشف حقيقة الصور المتداوله لهم، وقال أحمد في برنامج تفاصيل والتي تقدمه الإعلامية نهال طايل: الصدمة اللي اتفاجئت بيها إنها تتجوز تاني، وهي عندها تعب صحي لا يمكنها الزواج، وده ظهر بعد شهرين من زواجي منها، وأهلها كلموني عشان تتطلق.
وأوضح: أنا مقصرتش معاها، وقلت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج.
وتابع: سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا.
وعن حقيقية قيامته بالتعدي عليها بالضرب أثناء زواجه لها، قال: أنا مكنتش بضربها ومضربتهاش علقة موت، وعمري ما مديت إيدي عليها، وكل مشكلة كنت أشتكي لوالدها.
وعن سبب الطلاق الذي وقع بينهما، كشف: كان فيه ظروف معينة للطلاق ولما حصلت مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟، ومش طالب غير إني عايز أعيش في استقرار.
وطالب طليق ريم طارق، طليقته وأهلها بالتنازل على القضايا التي أقاموها ضده رغم حصولهم على كافة حقوقها قبل الطلاق وقال: مرفوع عليا قضايا منقولات وإيصالات أمانة، وكل اللي عايزه منها تتنازل عن القضايا اللي رفعاها عليا وربنا يسعدها في حياتها، واتفرض عليا الطلاق ومكنتش عايز أطلقها، وطلقتها وخدت حقوقها الكاملة.
لمشاهدة أجمل صور المشاهير زوروا «إنستغرام سيدتي».
وللاطلاع على فيديوغراف المشاهير زوروا «تيك توك سيدتي».
ويمكنكم متابعة آخر أخبار النجوم عبر «تويتر» «سيدتي فن».
