وعد مطرب المهرجانات حسن شاكوش جمهوره بعدم الحديث مجدداً عن أزمته العائلية مع زوجته، وبرر تصاعد الأزمة بتعرضهما للحسد بعد الضجة التي أثارها حفل زفافهما، وطالب الجميع بالتزام الصمت وعدم تداول أية معلومات عن خلافاته الزوجية، لافتاً إلى أن ما يدور في الكواليس لا يعلمه أحد.
وقال حسن شاكوش، خلال لقاء مع قناة "رؤيا": أي حاجة شخصية مش هينفع أتكلم فيها؛ لأن في الأول والآخر لو اتكلمت هتكلم على عرضي ودي حاجة شخصية بيني وبين بيتي، واللي حصل معانا حسد؛ لأن الفرح بتاعي أكيد لازم يتحسد، ده انت نفسك ممكن تحسد نفسك، وأكيد فرحي اتحسد وكلنا اتحسدنا والحمد لله على كل شيء.
ووجّه حسن شاكوش رسالة إلى منتقدي أزمته مع زوجته قائلاً: دي مسائل شخصية ويا ريت اللي ما يعرفش حاجة ما يتكلمش، لأن أنا اللي عايش وأنا اللي شايف كل حاجة ومحدش عارف حاجة ويا ريت اللي بيتكلم يقول كلمة الحق في الأول والآخر اللي هتعمله هيقعد ليك ولعيالك وطالما ماشفتش حاجة ماتتكلمش، لأن لو ظملت هتتظلم في أعزّ ما ليك، فاتقي الله في عيالك وفي نفسك وفي بيتك وما تتكلمش على حد ما دخلتش بيته.
وتحدث حسن شاكوش عن السخرية من حديثه مع ريم طارق من خلال محادثة نشرتها ريم بينهما، مشيراً إلى أنه قدم غناء ساخراً من جملة عبستك إزاي وأنت مش بستاني، مضيفاً: كنت بهزر وسعدت أن نادي أستون فيلا نزل الكلمة دي على الصفحة عنده وطلعت أهزر مع الناس.
أزمة حسن شاكوش وريم طارق وصلت النيابة العامة
يذكر أن أزمة حسن شاكوش وزوجته ريم ما زالت قيد التحقيقات أمام النيابة العامة المصرية، بعدما تطورت الأمور لحد توجيه الاتهام بالتزوير في وثيقة الزواج، حيث تم إثبات أن العروس "بكر رشيد"، بينما تؤكد ريم أنها قدمت ما يفيد زواجها سابقاً وطلاقها.
ريم طارق تكشف حقيقة إخفاء زيجتها الأولى
وسبق أن كشفت ريم طارق زوجة حسن شاكوش حقيقة الأنباء التي خرجت، بشأن طرد حسن لها لعلمه بعد الزواج أنها كانت متزوجة قبله دون أن تخبره، وهددت بكشف "تفاصيل تمس الأعراض"، بعدما استعان شاكوش بزوجها السابق، ومنحه مساحة للإساءة إليها رغم علمه بوجود قضايا ما زالت متداولة بينهما أمام محاكم الأسرة، وأكدت ريم أن حسن طلب إخفاء حقيقة زواجها السابق؛ لأن والدته كانت تريد زواجه من "فتاة عذراء".
ريم طارق بدأت مهمة الرد على ادعاء إنكار زواجها بعد تداول مقطع فيديو لعقد قرانها على شاكوش، قال فيه المأذون "إنها بكر رشيد"، وخروج عدد من رجال القانون ليؤكدوا أن عقد الزواج باطل، وألمح بعضهم لاحتمال إحالة ريم للنيابة بتهمة الغش والتدليس.
وقالت ريم طارق، عبر منشور بخاصية "الاستوري" بحسابها على إنستغرام: أنا مصر كلها كانت عارفة إني متجوزة وعارفة ليه انفصلت بس انت اللي حبيت تداري على الموضوع علشان البنات اللي كنت مواعدها بالجواز وقلت لهم: أمي عايزة بنت تكون أول مرة تتجوز.
وردت ريم على ظهور طليقها إعلامياً وقالت في منشور آخر: أنا لحد دلوقتى متكلمتش ولا عبت ولا قولت إيه السبب علشان دی أعراض لكن تروح تتفق مع طليقى يطلع يتكلم وانت عارف إني رافعة عليه قواضي وماخدتش حقوقی منه لحد دلوقتي فروحت تتفق معاه عيب عليك.. عيب تجيب واحد أبويا فاتح له مشروع ومعايا كل وصولات الأمانة ومع كذلك محبستوش وأنا قبل ما اتجوزك عملت كل تحاليل التثبت دا فا شغل رخيص أوووي يا حسن بتتحاما في واحد عبيط، زي ده.
طليق زوجة حسن شاكوش يكشف مفاجآت
وكشف أحمد، طليق ريم طارق، زوجة حسن شاكوش، مفاجأة بشأن الخلافات التي حدثت بينهما، كما كشف حقيقة الصور المتداولة لهما، وقال أحمد في برنامج "تفاصيل" والتي تقدمه الإعلامية نهال طايل: الصدمة اللي اتفاجئت بيها إنها تتجوز تاني، وهي عندها تعب صحي لا يمكنها الزواج، وده ظهر بعد شهرين من زواجي منها، وأهلها كلموني عشان تتطلق.
وأوضح: أنا مقصرتش معاها، وقلت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج.
وتابع: سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا.
وعن حقيقية قيامه بالتعدي عليها بالضرب أثناء زواجه لها، قال: أنا مكنتش بضربها ومضربتهاش علقة موت، وعمري ما مديت إيدي عليها، وكل مشكلة كنت أشتكي لوالدها.
وعن سبب الطلاق الذي وقع بينهما، كشف: كان فيه ظروف معينة للطلاق ولما حصلت مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟ ومش طالب غير إني عايز أعيش في استقرار.
وطالب طليق ريم طارق طليقته وأهلها بالتنازل على القضايا التي أقاموها ضده، رغم حصولهم على كل حقوقها قبل الطلاق، وقال: مرفوع عليا قضايا منقولات وإيصالات أمانة، وكل اللي عايزه منها تتنازل عن القضايا اللي رفعاها عليا وربنا يسعدها في حياتها، واتفرض عليا الطلاق ومكنتش عايز أطلقها، وطلقتها وخدت حقوقها الكاملة.
لمشاهدة أجمل صور المشاهير زوروا «إنستغرام سيدتي»
وللاطلاع على فيديوجراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
