احتفل الفنان خالد سليم بتخرج ابنته الكبرى نور من المدرسة الثانوية كما عبرعن فرحته الكبيرة بتخرجها مؤكدًا بأنه سيظل يدعمها في جميع خطوات حياتها.
خالد سليم عن إبنته: "فخور بيها وبمحبة الكل ليها"
ونشر الفنان خالد سليم مجموعة صور ومقطع فيديو من حفل تخرج ابنته نور من المدرسة الثانوية عبر حسابه الشخصي بـ"إنستغرام"، معلقًا عليها: "النهاردة.. كان يوم مميز جدًا ليا.. اختلطت مشاعري بشكل غريب.. بشكل عمره ما حصلي في حياتي كلها.. رغم إني ممكن في ألبوم واحد أغني أكتر من حالة ومشاعري تكون مختلفة مع كل لحن.. أو إني أدخل في فيلم أو مسلسل والشخصية يكون فيها اختلاف في المشاعر في كل مرحلة".مُضيفًا: "النهاردة أنا عيشت 4 ساعات مليانين سعادة وخوف وفخر ودموع ومحبة وشجن.. حفلة تخرج بنتي الكبيرة نور.. كنت سعيد إنها وصلت للمرحلة دي بكل نجاح.. وكنت خايف عليها طول ما أنا شايفها بتتحرك قدامي.. وفخور بيها وبمحبة الكل ليها وشخصيتها الحلوة، دموعي والمحبة والشجن كانوا بسبب الحالة اللي كل الطلبة والمدرسين والعاملين في المدرسة كانوا فيها.. إن الدفعة دي هيمشوا ويسيبوا المدرسة ويبدأوا مرحلة جديدة.. ألف مبروك يا نور على النجاح والتفوق والتخرج.. واعرفي إني دايمًا فخور بيكي.. يا حب عمري".
