ردت الفنانة منة فضالي، على تصريحات الفنانة آيتن عامر والتي زعمت فيها مؤخرًا أن "فضالي" عملت لها "بلوك" من على وسائل التواصل الاجتماعي، وأكدت منة أن العكس هو الصحيح، ونفت وجود أي خصومة بينها وبين آيتن عامر، كما تحدثت عن تصدرها الترند بعد مشاركتها كضيفة شرف في مسلسل "كوبرا" أمام النجم محمد إمام.
منة فضالي: آيتن عامر هي اللى عملت لي بلوك
وقالت منة فضالي، في لقائها ببرنامج "عرب وود": "آيتن عامر أنا معملتهاش بلوك بل بالعكس هي اللي عاملالي بلوك، وأنا اكتشفت أن هي عاملة بلوك، لما كنت داخلة على حسابها عشان أبارك لها على حاجة لقيتها شايله نفسها من عندي.
تابعي المزيد: فيديو.. منة فضالي لـ"سيدتي": قدمت "حنان" في "كوبرا" بتلقائية وانجذبت لـ"محارب" لهذا السبب
منة فضالي: أنا آخر واحدة عندها مشاكل مع حد
وحول وجود أزمة مع آيتن عامر، قالت منة فضالي:"هزعل منها ليه أنا معملتلهاش حاجة وهي زعلتني في إيه عشان أزعل منها"، مرادفة: "أنا آخر واحدة ممكن يكون عنده مشاكل نفسية ضد حد".
وأكملت: "ممكن النهاردة تغلطي فيا وتزعليني أقصى حاجة أعملها ماعبركيش، لكن لا ليا دعوة بيكي ولا أنا أقعد أغلط عليكي ولا أحطك في حساباتي.. أنتي مش في دماغي أساسًا".
وتحدثت منة فضالي عن كواليس تعاونها لأول مرة مع محمد إمام في مسلسل كوبرا وتصدرها الترند وقالت: سعيدة إني اشتغلت مع محمد عادل إمام كان في بينا كيميا والناس حبيتنا أوي، وحسيت إني أعرفه من سنين وإننا اشتغلنا مع بعض قبل كده.
وأوضحت منة فضالى: حنان شخصية جميلة وحقيقية وطيبة حاولت أنها تكون طبيعية، على الورق مش بيكون باين التفاصيل دي لازم نحط لمسات من عندنا، وأنا خليت للشخصة لزمة أنها بتتكلم بسرعة أوي.
وعن ردود الفعل اتجاه دورها فى كوبرا قالت منة فضالى: مكنتش متوقعة التريند بس كنت مبسوطة أن أول يوم اطلع تريند والناس تتكلم عني اتفاجئت وعيطت وحسيت بالمسئولية، ومبسوطة أن جمهور محمد إمام حبوا الشغل اللي عملناه لأن كل ما تشتغلي مع نجم الناس بتحبه بتاخدي من نجاحه".
وأما عن دورها فى مسلسل محارب قالت منة فضالى: "مشكلة مسلسل "محارب" إن من بداية المسلسل ماخدتش ورق للشخصية، حكولي الدور في التليفون سألوني إن كان عندي مانع أظهر في دور قعيدة وأن الدور حلو، وبعدها اكتشفت أن كان في ممثلة تانية هتقدمه واعتذرت، وأحمد زاهر كلمني وطلب مني أني أقدم الدور".
تابعت منة فضالي: طول المسلسل بصور مش معايا ورق، باخد المشهد قبل التصوير، كنت مستاءة جدا وأغلبنا كده حسيت إني مش شايفة معالم للدور، حاولت اشتغل على الشخصية على قد ما أقدر خليتها بسيطة في اللبس والشعر والمكياج، لكن لو كان معايا ورق كنت اشتغلت على الدور شوية وكان ممكن حتى اعتذر".
وأكدت منة فضالي أنها قدمت الدور لأنها كانت تريد العمل مع المخرجة شيرين عادل قائلة: "أنا عملت الدور إنقاذ للموقف وكنت عايزة اشتغل مع المخرجة شيرين عادل وبحب الحاج أحمد السبكي وقولت أعمله مجاملة.
قصة الخلاف بين آيتن عامر ومنة فضالي
يذكر أن الفنانة آيتن عامر، قالت في لقائها ببرنامج "العرافة"، مع الإعلامية بسمة وهبة إنّ الفنانة منة فضالي غاضبة منها، وأضافت: "والله عاملة لي بلوك ومش فاهمة ولا عارفة ليه واستغربت جدا، لقيت حد بعتلي بوست حاجة بتضحك هي نشرتها بدخل على اللينك لقيت الصفحة مقفولة طلعت صفحة منة فضالي".
لمشاهدة أجمل صور المشاهير زوروا «إنستغرام سيدتي».
وللاطلاع على فيديوغراف المشاهير زوروا «تيك توك سيدتي».
ويمكنكم متابعة آخر أخبار النجوم عبر «تويتر» «سيدتي فن».
