جمهور عمرو واكد عن أجره الخيالي: لا يجوز أن تعايرنا

رد الممثل المصري عمرو واكد على الاتهامات التي تلاحق نجوم الفن بأنهم يتقاضون أجوراً خيالية بدون مجهود حقيقي، وأكد أن ما يبذله من مخاطر أثناء تصوير أعماله لا يقارن بما يتقاضاه من أجر، وقدم الدليل من مشهد قام بتصويره فجر اليوم بالبحر في درجة حرارة لا تتجاوز الخمسة.
عمرو نشر تجربته القاسية مع تصوير مشهد اليوم عبر حسابه الموثق على الفيس بوك قائلاً: مش عايز أسمع حد بيقول بناكلها بالساهل. أنا لسه النهاردة مصور مشهد نزلت فيه البحر بهدومي الساعة ٦:٣٠ صباحاً في فرنسا ودرجة الحرارة كانت ٥ درجات مئوية. وكل ده عشان تقعدوا في الدفا وتتفرجوا وتستمتعوا. وإن شاء الله هتستمتعوا جداً.
الطريف أن التجربة القاسية لم تكن كافية لإقناع الجمهور بالأرقام الفلكية لأجور النجوم، فدخلوا مساجلات "مهذبة" مع النجم المصري بدات بتعليق لمتابع يدعى محمد فؤاد قال فيه: يا عم نزلني الميه من غير هدوم و اديني الفلوس اللي بتاخدها : او خدني اعيش معاك بره ... الحمد لله على كل شئ يا عمنا!!
وقالت متابعة تدعى ليلى: يا عم انت بتعيرنا ولا ايه ... مبدئيا مينفعش نقول ان اي حد بيكولها بالساهل كل واحد بيتعب ف شغله جدا بس انت اقلها بتشتغل حاجه بتحبها ده اولا ثانيا بتاخد فلوس اكتر .. ثالثا و ده الاهم بوسة جوافة المستيكاوي :D ... ربنا معاك يا عمووور بس متلعبش معانا اللعبه دى احنا طالع عين ابونا حقيقى!!

عمرو توقف عن التعليق بعدما وجد أن غضب الجمهور من أجور النجوم أكبر من توقعاته .. ترى هل يبذل نجوم التمثيل جهدا يوازي أجورهم الخرافية؟