اختار الفنان الكوميدي الشاب أحمد مكي أن تكون إطلالته الأولى رسميّاً على مواقع التواصل الاجتماعي مأساوية، بعدما كشف، في أوّل منشور له بحسابه الرسمي بموقع الفيس بوك، عن سر غيابه طوال العامين الماضيين، مؤكداً أنه أصيب بفيروس"خطير" يدمّر الكبد والطحال، وتسبّب له بنوبات غيبوبة متكررة، ولكنه أكد أنه تماثل للشفاء تماما الآن.
مكي أكد أنه لم يملك أي حسابات سابقاً على مواقع التواصل الاجتماعي، واضطر إلى تأسيس هذا الحساب بعد انتشار الصفحات المزوّرة التي تنتحل شخصيته وتبث أخباراً كاذبة، وأضاف: الّي خلاني أعمل الصفحة دي اني لقيت كم ناس سألت عليا لما غبت السنه الي فاتت و بيستفسروا انا اختفيت فين ، وكنت حابب اشكرهم على سؤالهم عليا لأنه فعلا فرق معايا نفسيا وكنت محتاجه قوي ...
تابع كاشفاً سرّ مرضه: انا كان بقالي سنه تقريبا عيان جداً ، كان عندي ( فيروس ) ضربلي الكبد و الطحال ... مكنتش حتى اقدر اشرب بق ميه بسبب الطحال ، وكنت في شبه كومه اول شهرين من المرض ، عشان الكبد كان عملي خمول ، كنت بأنام من 18 ل 20 ساعه في اليوم !!!
وقال: خسيت فوق ال 30 كيلو و كنت شبه فاقد للأمل ، الحمد لله على كل حال ، انا دلوقتي خفيت تماما و وزني زاد تاني ، و اتعلمت كتير جدا في الرحلة دي ، وكان فارق معايا جدا سؤالكم عني ، حسّيت ان ليا أهل مش جمهور ، وإني فرقت معاهم لما غبت ، ربنا يفرح قلوبكم زي ما فرحتوا قلبي ، واهلا بيكم في صفحتي.
وشرح سر اختيار اسم سكي ملواني لصفحته، مؤكدا أن اخترع "لغة جديدة" سيتعرف عليها الجميع في مسلسله القادم "خلصانة بشياكة" مؤكدا أن سكي ملواني تعني مكي وقال: هي دي السغه لمبه ، وفيه بعض الناس تحب تنطقها السغه لمون وهي لغه شارع كانوا بيتكلموها عشان الحكومه ما تفهمش هما بيقولوا ايه .. زي شفره، وطريقتها بإختصار ... الكلمة اللي عاوز تقولها بتشيل اول حرف فيها وتحط مكانه حرف السين (س )، و تقول بعد الكلمه دي اي كلمه تانيه بشرط يكون اول حرف فيها هو الي انت حذفته و غيرته ب (س ) من الكلمه الي قبلها ...
تابع شارحا مثال : مكي شيلنا اول حرف الي هو ( الميم ) و حطينا ( س ) فبقت ( سكي )
حطينا كلمه بعدها بدايتها حرف ( م ) الي شيلناها من مكي حطينا كلمه ( ملواني ) و بكده ( سكي ملواني ) = ( مكي ).
https://www.facebook.com/SekkyMallawany/videos/366946393700227/
