تجدّدت الأزمات وحملات التلاسن بين الفنانة أنغام وشقيقتها المغنيّة غنوة، والسبب هذه المرة هو تجاهل الفنانة المصرية لذكر والدها الموسيقار محمد علي سليمان، والتوقّف فقط أمام ذكر عمها المغنّي الراحل عماد عبد الحليم أثناء حوارها الأخير في برنامج "كل يوم جمعة".
وقالت غنوة إنّ أي إنسانة تفتخر بأن يكون والدها الموسيقار محمد علي سليمان وذكرت أنغام أنها لا يمكن أن تمحو إسم والدها من تاريخها لأنه من صنعها وكتبت عبر حسابها الخاص في موقع "فيسبوك": "أبويا الموسيقار محمد علي سليمان شرف ليا إني بنتك وأي حد يتشرّف بحضرتك وأي حد يتمنّى انك كنت تبقي أبوه إسمك وسيرتك شرف ليا ولإخواتي ربنا يخليك لينا ويديلك طولة العمر ولاحدّ يقدر يمحي اسم محمد علي سليمان من تاريخ الموسيقى العربيه من غيرك مكنش هيبقي في حاجه اسمها أنغام، مش هتقدري في يوم تلغي اسم محمد علي سلمان موجود بيكي ومن غيرك لأنه شرف لكلّ فنانين مصر".
واللّافت أن صديقة مشتركة بين أنغام وشقيقتها طلبت من غنوة تصحيح المعلومة مؤكدةً أن أنغام لم يصنعها إلّا صوتها دون إنكار فضل والدها، وقالت:" أكيد طبعاً والموسيقار العظيم ده شرف لأي حد مش بس ولاده لكن سوري يعني من وجهة نظري أن أنغام عملت نفسها بنفسها ومن غير أي حد هي كانت هتنجح برضه عشان موهبتها العظيمه اللي هي صوتها يعني صحيح طبعاً كان من أوّل أسباب نجاحها الموسيقار محمد علي سليمان لأنه هو كان ملحن أول ألبوم ليها و ساعدها كتير بس السبب الرئيسي لنجاح أنغام هو صوتها بس".
وأضافت الصديقة وتدعي نانسي رداً على التعليقات المسيئة لأنغام واتهامها بالجحود والتكبّر:" متحكمش علي حد قبل ما تتعامل معاه أنغام لا متكبره ولا جاحده ده أي كلام أنا اللي اتعاملت معاها بنفسي عمري ما قولت عليها كده لأن دي مش حقيقه هي إنسانه بسيطة جداً و متواضعة جداً إنت متعاملتش معاها عشان تقول كده، أما بالنسبه لموضوع مكنش حد هيعرفها من غير والدها مش حقيقي برضه أيوه بعترف أن والدها ليه دور كبير ف نجاحها و شهرتها بس هي صوتها اللي ساعدها على كده و لو كان صوتها وحش و معندهاش موهبه و بنت أي حد من الناس الكبار ف المزيكا دول كانت عمرها ماهتنجح مهما عملت ومهما قرايبها حاولوا يسعدوها مكنتش هتنجح برضه".
يُذكر أن غنوة وجّهت سابقاً حملات هجومٍ على شقيقتها أنغام واتهمتها بأنها السبب في تأخر نجوميتها، ولكن العلاقات تحسنت قليلاً بعد المصالحة الأخيرة بين أنغام ووالدها.
