بعد قرار إدارة المعهد العالي للفنون المسرحية في دمشق حرمان السنة الرابعة من عرض التخرج، انتشر تضامن كبير بين أهل الفن ضد هذا القرار، وكان من بين المساندين للطلاب الفنانة أمل عرفة التي استنكرت الأمر ونشرت الهاشتاغ الخاص بتضامنها مع الطلاب «#أنا_بدي_مشروع_تخرج_للسنة_الرابعة» وهاجمت إدارة المعهد وقالت: «وأنااااااا مقهورررة كتيرررر؛ لأني بيوم اللي دخلت فيه عالمعهد من السنة الأولى للرابعة كنت أنا وطلاب دفعتي عم نحلم بمشروع التخرج، مشروع التخرج للطالب هوي بطاقة تعريف عنو، يعني هوووووية يعني كلمة مرحبا للدنيا والوسط الفني والإعلامي..... يعني تحديد مصير، العجب عم نشوفو بتكريم أسماء ممثلات وحطولي ياها بين قوسين بحياتي ماسمعت فيهون... والطالب اللي صرلو أربع سنين عم يدرس فن ( بينمنع من مشروع تخرجو)!
طيب ممكن سؤال لأصحاب القرار؟؟؟
فيه مجال نصور المشروع عالموبايل بس للذكرى؟!
ومن ناحية أخرى تعهدت ووعدت طلاب السنة الرابعة من قبل ما شوفون أو أعرفهن وفقط.... اللي انظلمو بهاد القرار أني بعمل قادم رح يكونوا موجودين وبأدوار بتليق بخريجي المعهد العالي للفنون المسرحية».
