عبّر الفنان المصري أحمد زاهر عن غضبه ممن وصفهم بالمتاجرين بقضية الفنانة غادة عبد الرازق، و أكد أنّ تجار الفضائح أصعب وأسوء من تجار الموت. و قال احمد في تعليق نشره على صفحته الخاصة على " فيسبوك " : " تاجر الفضايح أسوأ من تجار الموت على الأقل تاجر الموت بيقتل مره واحده و خلصت اما تاجر الفضايح بيقتل اللي قدامه الف مره كل يوم كل دقيقه كل لحظه حرام اللي بيتاجر بفضائح الناس عقابه عند ربنا كبير اوي الفنانه غاده عبد الرازق غلطت بس من غير قصد واعتذرت و اعترفت بغلطتها خلاص بقي كفايه حرام عليكم ".
وأضاف أحمد : " ايه .... هاتدبحوها يعني .. فيه ايه ما خلاص بقى .. لو كل واحد فيكم يعرف انه لما يشير فيديو زي ده أو يتريق عليه أو يشمت حسابه عند ربنا عسير من منا بلا اخطاء ؟ ربنا يمهل و لا يهمل و اللي بيغلط دلوقتي هايجيله اليوم اللي هايتغلط فيه ".
وأكد أحمد أنه لا يتحدث مع غادة من سنوات وقال : " و بعدين الرجاله هما اللي يستروا مش يفضحوا هما دول الرجالة المصريين الجدعان وعلى فكره انا و غاده مش اصحاب و لا بنكلم بعض من سنين و مش ها نرجع نشتغل مع بعض تاني أبدا عشان اللي ممكن يزايدوا أو يزيطوا بس اللي بيحصل ده مش اخلاقنا وعيب و حرام المسألة عندي مسألة مبدأ اتقوا الله".
وكان البث المباشر الذي ظهرت به غادة عبد الرازق عبر " انستقرام " قد اثار الكثير من الجدل لا تزال تداعياته مستمرة حتى الآن، ولتخرج النجمة المصرية و تؤكد انه غير مقصود و أنه حصل في حالة من الهذيان نتيجة تناولها أدوية نفسية .
استفتاء "سيدتي" لمسلسلات وبرامج رمضان 2017
تابعوا أيضاً:
لمشاهدة أجمل صور المشاهير زوروا أنستغرام سيدتي
