رفضت الفنانة الاستعراضية برديس كل محاولات ثنيها عن الاعتزال الرقص الشرقي وأكّدت أنه قرار نهائي لا رجعة فيه، وأنّها تعلمت من درس الرحيل المباغت لزميلتها الراقصة غزل، وناشدت برديس كل جمهورها ومحبيها التعاون معها للإبلاغ عن الصفحات التي لا زالت تنشر صورها أو مقاطع الفيديو بملابس الرقص، مؤكدة أنها لن ترتدي الحجاب ولكنها ستقضي الفترة القادمة من عمرها "ملتزمة" دينياً وأخلاقياً.
برديس وجّهت رسالة لجمهورها عبر حسابها الخاص على الفيس بوك قالت فيها: لكل حبايبي واخواتي وأصحابي الي بيحبولي الخير أحب اقولكم. انا اعتزلت الرقص الشرقي تماما وقرار لا راجعه بجد اد ايه الانسان لسان في ثانيه عند ربنا وانا كنت علي علم بكده بس بجد الواحد كان في غفله!!
أضافت: قسما بالله ان اول مره افقد حد كنت بشوفه. قدام عيني. من نفس المجال والهي العظيم من يوم سماعي الخبر وانا مدمره وعدم حضوري الجنازة والله العظيم كنت خارج مصر بس الله يرحمها وقطع لسان اي حد يجيب سيرتها محدش عالم بظروف حد الا ربنا فالحمد لله ده قراري بجد وعلي فكره انا مش لبسه الحجاب انا عايشه حياتي بالتزام وعايشه سني الي بيضيع مني في مجال كله يلاه نفسي.
تابعت رسالتها قائلة: ربنا يديني الخير ويديني الذرية الصالحة وانا مش مسؤولة عن اي صفحه تنزل صور ببدل واو اي فيديوهات او اي كليب نزل او هينزل دي حاجات قديمة انا صفحتي دي الشخصية وأنتو كلكو أصحابي وبحبكم ربنا يحسّن خاتمتنا وموت الغفلة ويهدينا جميعا.
ثم وجهت مناشدة عاجلة للجميع قالت فيها: يا ريت كل أصحابي يقفلوا اي صفحه من الصفحات الي عليها صور الشغل ويعملو شير لأصحابهم دي مساعده منكو ليا ريبورت لأي صفحه ناس عاملها ليا الله يجزيكم خير ان شاء الله!!
لمشاهدة أجمل صور المشاهير زوروا أنستغرام سيدتي
