استجاب الفنان الشاب حسن الرداد لدعوة طفل مريض بالسرطان، وقام بزيارته داخل المستشفى موجها له الدعوة لمشاركته بطولة مسلسل "وزة وبطة" المقرر عرضه ضمن ماراثون دراما رمضان 2018، بالمشاركة مع النجمة إيمي سمير غانم، وأكد الرداد أن الزيارة حققت مفاجأة طبية تخالف "كل القواعد الطبية" المتعارف عليها!!
قصة الزيارة جاءت عبر صديق قديم للرداد أرسل له مقطع فيديو للطفل الصغير من داخل حجرته بمستشفى سرطان الأطفال وتمنى فيها مقابلة حسن الرداد، ورد حسن على الفيديو بمقطع فيديو خاص للطفل الصغير، وكانت المفاجأة أن مناعة الطفل تضاعفت بعد مشاهدة الرسالة بشكل مغاير لكل القواعد الطبية، وهنا قرر الرداد زيارته داخل المستشفى.
الرداد علق على الفيديو الأول الخاص بأمنية الطفل محمد محمود قائلا: "يا محمد، انا مبسوط جدا جدا بالفيديو ده و مبسوط انك عايز تشوفني، انا كمان عايز اشوفك اكتر، انت ما شاء الله زي القمر و سلامتك الف سلامك، ان شاء الله هتخف و هتبقى زي الحديد يا حبيبي".
ولكن تطور الحالة الصحية للصغير دفع الرداد لإتمام الزيارة في اسرع وقت، وكتب من داخل المستشفى القصة الكاملة قائلا: النهاردة روحت مستشفى #٥٧٣٥٧، بعد ما كلمني صديق ماشفتوش من ٧ سنين اسمه خالد الشرقاوي ، و قالى ان في طفل اسمه محمد ، بيحبك جدا و عايز يشوفك و المناعة عنده ٣٠٠ فقط ( و دي طبعا قليلة جدا) و بعت لي فيديو و لما رديت عليه بڤيديو المناعة عنده زادت ل ٣٥٠٠ و النهاردة المناعة بتاعته وصلت ل٤٥٠٠ بعد ما الدكاترة كانوا بيقولوا كلام علميا عكس كدة".
وتابع قائلا: لما روحت و قابلته شفت ولد ما شاء الله زي القمر، ذكي جدا ، فاهم في حاجات كتير اكبر من سنه و بيحتوي اللي حواليه، دمه خفيف جدا و موهوب، لماح بشكل مش طبيعي أتكلم معايا في حاجات كتيرة انا مش عارف هو فاهم فيها أزاي، ما شاء الله عقله اكبر من سنه بكتير تحس ان عنده ٢٠ سنه و اكتر".
واصل الرداد حديثه قائلا: انا اتعلمت منه حاجات كتير النهاردة ، اتعلمت الإيمان و الصبر على الابتلاء و مواجهة المشاكل بالابتسامة و الرضا الشديد بقضاء ربنا و الطاقة الإيجابية اللي بيديها لكل اللي حواليه، اللي كان مزعله بس ان الأطفال في المدرسة لما عرفه انه تعبان كانوا بيتريقوا عليه فيا ريت الأهالي يفهموا اطفالهم ان دي قلة أدب ، يا محمد انا بحبك جدا جدا، ربنا يشفيك يا حبيبي انت و كل اطفالنا و ان شاء الله هتيجي تمثل معايا في رمضان زي ما وعدتك ، و شكرا على الهدية الجميلة دي، هجيلك تاني قريب ، يا ريت كل واحد يتبرع بجزء من وقته لأطفالنا الجمال دول عشان ده شيء كبير جدا بيهون عليهم القعدة بتاعتهم في المستشفى".
العام الماضي عمرو يوسف وجه الدعوة لطفل من ذوي الاحتياجات الخاصة ليشاركه التمثيل في مسلسل "عشم ابليس"، والعام المقبل حسن الرداد سيقدم الطفل محمد محمود من مرضى السرطان في مسلسله "وزة وبطة".. ليبقى الجانب الانساني أهم ما يميز الجيل الجديد من نجوم الدراما..
فيديو محمد محمود وهو يتمنى زيارة حسن الرداد
حسن الرداد وفيديو مشترك مع محمد محمود من داخل مستشفى سرطان الأطفال
لمشاهدة أجمل صور المشاهير زوروا أنستغرام سيدتي
