بعد تزايد السخرية من الأخطاء الساذجة المتكررة في حلقات مسلسل "كلبش 2"، خرج مخرج العمل بيتر ميمي عن صمته، وأطلق بيانا توضيحيا، موجها لجمهور المسلسل المتصدّر لنسب المشاهدة في الأيام التسعة الأولى من شهر رمضان، مؤكدا أنه استفاد من بعض الملاحظات ولكن هناك انتقادات في غير محلها، مشيرا إلى مراجعة تفاصيل حياة ضباط الداخلية أثناء تصوير العمل.
بيتر ميمي أـشار بداية إلى أنه اعتاد تجاهل الانتقادات الموجهة لأعماله الفنية، ولكنه حريص على توضيح ما أثير حول مسلسل كلبش 2 بسبب نجاحه "فوق المتوقع" وقال: "أنا عادة مش برد على تعليقات لكن بقرأها وباخدها باهتمام للتطور وفعلا الحمد لله وبفضله التطور موجود من عمل لآخر ومن سنة لأخرى، لكن حبيت أرد على بعض التعليقات لأن فعلا نسبة مشاهدة كلبش أصبحت فوق المتوقع لدرجة أكبر بكتير كمان من رمضان السابق".
وأضاف: عاكف أبو العز بيتحدث بلهجة صعيدية وأبوه بلهجة بدوية وده باين من أول حلقة (متبقاش صعيدى زي اللي خلفتك) وهنعرف مين اللي خلفته وليه مش أبوه اللي رباه فى الحلقة 15 ومعانا مصحح لهجة بدوي ومصحح لهجة صعيدي للدقة.
وتابع: ضابط الأمن الوطني ممكن يكون بدقن وشعر طويل عادي جدا وأنا راجعت ده بنفسي قبل التصوير من بعض الضباط و قيادات الداخلية وإحنا بناخد التصاريح للتصوير فى أماكن حقيقية وحية مثل سجن طرة ومستشفى الشرطة.
واستكمل توضيحه قائلا: وضعية مسك الآلي ممكن تكون من الماسورة وأثناء الاشتباك ممكن تكون من الخزنة لسرعة تغيير الخزنة وكان معانا عميد من العمليات الخاصة أثناء تصوير المشاهد ديه والراجل كان بيدي المحاضرة ديه قدامي للضباط مع العلم إن المدرعات والمركبات والجنود والضباط هم حقيقيون من العمليات الخاصة.
وأعترف بيتر ميمى أنّ وضع تراك المسلسل الشهير جيم أوف ثرونس في الحلقة الأولى كان خطأ غير مقصود. وأضاف: تراك جيم أوف ثرونس اللي فى أول حلقة ده غلطة غير مقصودة لأن إحنا فى المونتاج بنحط تراكات عالمية وبعدين بنشيلها فى الميكساج ده بيحصل فى كل الشغل والحلقة الأولى كان فيها 13 تراك من جيم أوف ثرونس تم تغييرهم بموسيقى المسلسل ونسيو واحد سهوا، وبعتذر على الخطأ غير المقصود برده لأنى طلبت تغييرات فى الحلقة أكثر من مرة كل شوية بعدل فيها وإحنا عاملين موسيقى للمسلسل مصر كلها عارفاها من السنة اللي فاتت.
وقال في التوضيح الأخير: ابن سليم الأنصارى بيرضع كراوية مع أنه المفروض بيرضع ريد بول عادي.. حلقة 8 أنا عدت المشهد لما روجينا قالت (عمر) بدل (حسام) سهوا والمونتير من ضيق الوقت حط الشوت الغلط سهوا.
واختتم البيان قائلا: أنا بشكر الناس اللى متابعة المسلسل بدقة شديدة وبشكر فريق العمل (النجوم - الإنتاج - المونتاج - التأليف - الميكساج - الموسيقى- الديكور - مساعدين الإخراج) علشان إحنا بسببكم بنافس على أعلى مشاهدة للسنة التانية على التوالى بجزء ثاني و ده مبيحصلش، و كلبش2 بما فيه من اكشن و ضخامة إنتاجية هيكون ولا حاجة بالنسبة للمشروع اللي تم تحديده للعام المقبل رمضان 2019 واللي هيكون الأضخم عربيا وبيضم مجموعة من نجوم عالميين من انتاج شركة سينيرجى إن شاء لله، ادعولنا بقى إحنا بنحاول نطور الصناعة وانتظرو حرب كرموز فى مصر والخليج وأوروبا (إيطاليا - المانيا- لندن).
أحلام باكية في مجموعة إنسان: نوال الكويتية غالية عندي وأحبها والأخيرة تردّ ستظلين أختاً لي ..وصلح مفاجىء بينهما
بالصور: الأمير هاري على مائدة إفطار رمضاني
عابد فهد عن شراكته مع نادين نجيم في "طريق": نجاح الشريك هو نجاح لي وهذه الممثلة لفتني تمثيلها
مشاهير تركيا يحتفلون بعيد ميلاد إسراء إيرول
كاتب تانغو حصرياً لـ " سيدتي نت ": هذه قصة اقتباس المسلسل
لمشاهدة أجمل صور المشاهير زوروا أنستغرام سيدتي
