توقّف المخرج مجدي الهواري أمام حملة الهجوم غير المسبوقة على النجمة شيري عادل والداعية الاسلامية معز مسعود، بعد إعلان زواجهما السري، وأكد الهواري أنّ الزواج "ليس إثمًا"، ووصف ما يحدث على مواقع التواصل الاجتماعي بأنه مسيء جدًّا قائلًا: عيب بقى!!
مجدي الهواري زوج غادة عادل والذي عانى سابقًا حملات التشهير وشائعات الطلاق على مواقع التواصل الاجتماعي، نشر عبر حسابه الشخصي بموقع الفيس بوك تعليقًا على حملات السخرية من شيري ومعز قائلًا: يا جماعة ليه الهري في موضوع جواز #معز_مسعود و #شيري_عادل"،همّ ماتقفشوش في شقة مفروشة، على فكرة ولا خدها واحد عرفي ع الماشي دول اتجوزوا ! على سنّة الله ورسوله يعني مأذون وشهود ومهر وشبكة #عيب بقي.
تابع قائلًا: وبعدين احنا ليه بنشوف نصف الكوب ... مش يمكن قصة #حب ، مش يمكن حب من أول نظرة ، مش يمكن شافت فيه فارس أحلامها ، ولّا ده كلام حواديت ، كبرنا نكتبه في البوستات بس !! ولا ولا ولا ....... ومش مهم على فكرة وملناش دعوة على فكرة، والناس حرة في حياتها، ولا هو علشان بيقول قال الله وقال الرسول مش من حقه يحب !! ، ولا هي علشان #ممثلة تبقى حرام #تتجوز !!!
أضاف الهواري: أنا شخصيًّا بتابعه وشايف إنه راجل متوازن جدًّا وغير مدّعي زي غيره ، وكل تصرفاته في النور ولما انصح ابني يتثقف ثقافة دينية أنصحه يشوف معز !! ليه ! لأنه الوحيد اللي ميزعقش وهو بيقول كلام على ربنا. اللي غيره ممكن يكرّه الشباب في حياتهم بسبب #Delivery بتاعه ، وبعدين كان ممكن يتجوزها في السر، على فكرة زي كتير منهم وعادي ، كونهم أعلنوا في حد ذاته ده احترام لينا وللرأي العام، أنا بتكلّم دفاعًا عنهم بالنيابة عن أهلهم اللي مش حلو خالص يقروا اللي بيتكتب عن ولادهم ده عيب !!
لمشاهدة أجمل صور المشاهير زوروا أنستغرام سيدتي
ويمكنكم متابعة آخر أخبار النجوم عبر تويتر "سيدتي فن"
واختتم تعليقه بقوله: فأنا رأيي نقول #مبروك_للعروسين وربّنا يهني سعيد بسعيدة بقي، ولّا هو أي فضاااا وخلاص #مبروك وبالتوفيق وحياة سعيدة إن شاء الله، وعلى رأي #شادية في #معبودة_الجماهير، لما سألها الجمهور ايمتى الفرح قالتلهم : لما #يخلص_فستان_الفرح .
