أعلن نجم ستار أكاديمي المطرب المصري مينا عطا، خطوبته على فتاة من خارج الوسط الفني ارتبط معها بقصة حب استمرت 11 عامًا كاملة، مؤكدًا أنه عندما غّنى أغنية "لا تروحي" في برنامج ستار أكاديمي، كانت أمنيته أن تعود له البنت الوحيدة التي أحبها.
بالصور: هل تعرض نجم ستار اكاديمي مينا عطا لقطع في ...
ونشر مينا عبر حسابه بموقع انستقرام، صورة تجمعه بخطيبته وعلّق عليها قائلًا: فاكرين يوم ما غنيت فى ستار أكاديمي (الإيڤال الرابع بتاع الأمنيات) أغنية "لا تروحي"، وكانت أمنيتي إن البنت الوحيدة اللي حبتها في حياتي ترجعلي ونكمّل حياتنا سوا ! الحمدلله من نِعم ربنا عليّا النهاردة، إنى أقدر أقول إننا رجعنا لبعض واتخطبنا كمان، وفرحنا بإذن الله، أولًا عاوز دعوة حلوة منكم لينا، وثانيًا هما كلمتين أحسن من 200 عشان ما بحبش أطوّل.
وتابع قائلًا: لو ليك هدف، أمنية، حلم، إمسك فيه بإيديك وسنانك، وأوعى تقول مستحيل أو مش هيحصل، لأنّ ربّنا كبير أوي، وعالم بنيتك وحالك وبيديك دايمًا اللي انت محتاجة والمناسب ليك فى الوقت المناسب".
ووجه رسالة إلى خطيبته قائلًا: أما بالنسبة لعِشرة الـ11 سنة حب، واللي استحملتني كتيييير، ووقفت جنبي زمان كتيير أوي، قبل أي شهرة، وقبل كل حاجة، أيام ما كانت بجد الحياة سودة ومتقفلة ف وشي، ومش عارف أحقق أي حاجة، أحب أقولِك: (لو لفّيت الدنيا كلها والله العظيم عمري ما هلاقي زيّك، وعمري ما حبيت ولا هحب ولا عرفت حب بجد يعني إيه غير معاكي، انتي كل حاجة في حياتي، بحبك.
