أعلنت الفاشنيستا غنى غندور طلاقها من زوجها طلال الداعوق عبر "إنستقرام"، حيث نشرت صورةً لها مع إبنتيها نور وياسمين، وأرفقتها برسالة قالت فيها: " كل بنت بتحلم بالنهار يلّي بتنغرم فيه وبتتزوج وبتبني عيلة... كنت محظوظة إنّي وقعت بحب طلال، و جِبت مَعو على الحياة ملاكين هنّي دنيتي وعمري كلّو، بَناتنا نور وياسمينا...".
وتابعت غندور: "بس ببعض الأحيان، ما بتمشي الحياة مِتل ما خطَّطْنا وأوقات ما بِتكمِّل طريقك مع شريك حياتك، وكل شخص بيسلك طريق منفصلة... وأنا اليوم، عم بختبر الحياة كأم منفصلة مع جوهرتين، وبقلبي كل الاحترام للرجل يلّي رافقني لَحَدّ هالنقطة بالحياة".
وختمت بالقول: "بدّي تعرف كل أم عم بتخوض هالتجربة، إنّو بهاللحظة بِْشعُر بمسؤوليتك وخوفك من المستقبل المجهول... ما بعرف شو ناطرني وكيف رح تكون هالتجربة، بس بعرف إنو وجود بناتي بجانبي بيكفيني كون أكيدة إنّو كل شيء رح يكون بألف خير".
