أبدت الفنانة شيرين رضا، غضبها من ظاهرة التعليقات المسيئة من المتابعين على الحسابات الشخصية لنجوم الفن والمشاهير، وقالت إنها قادرة على رد الإساءة ووقتها ستقوم بـ"تهزيق" من يشتمها أمام مليوني بني آدم، ونشر اسمه لتفضحه أمام أسرته وأصدقائه، ولكنها لم تتربّ على هذه الطريقة.
أضافت أثناء مشاركتها في برنامج "Its show time": ليه الناس فاكرة نفسها أنها تقدر تدخل وتشتم.. ليه بقى العادي قلة الأدب.. فين الاحترام.. أنت ماتعرفنيش عشان تشتمني أنا لو مش عجباك ماتدخلش على الصفحة بتاعتي ماتتفرجش على صورة.. أنما تدخل تسبني بأهلي وبديني!.
وتابعت قائلة: مين اللي أداك الحق؟.. وأنت فكرك أن أنا مقدرش أرد عليك؟.. أنا لو رديت عليك هبستفك قدام 2 مليون بني أدم أنما أنت الكومنت بتاعك أنا سهل قوي أني أشيله لكن أنا لو قررت أني أبستفك أنا هفضحك قدام أهلك وقدام قرايبك وهحط أسمك وهعملك تاج أنما أنا مترتبش على كده.. الرحمة يا جماعة، طول ما أنتم بلطجية حتفضلوا أسود من جوة.
شيرين رضا قامت بمشاركة المقطع عبر حسابها الخاص بموقع إنستقرام لتدشين حملة ضد التنمر وضد البلطجة على السوشال ميديا، وحذرت من انتحار بعض الأطفال من ضحايا ظاهرة التنمر في المدارس.
لمشاهدة أجمل صور المشاهير زوروا أنستغرام سيدتي
ويمكنكم متابعة آخر أخبار النجوم عبر تويتر "سيدتي فن"
