رفضت الفنانة المصرية لقاء الخميسي محاولات التنمر بها من بعض متابعيها على موقع إنستقرام، بعد إطلالتها الأخيرة في حفل ختام مهرجان القاهرة السينمائي، مؤكدة أنها لن ترد على كل من يصر على توجيه ألفاظ خارجة عن إطار التحضر والأخلاق والأدب والاحترام، وستعقب فقط على من انتقد إطلالتها باحترام ورقي.
طالبت لقاء عبر بيان مطول جمهورها بالتفرقة ما بين شخصية الفنان في حياته الطبيعية، وبين شخصيته في المناسبات الفنية، وقالت: "مساء الخير.. كلامى انهارده للناس اللي بتحبنى من قلبها واللي أنا بحبها وباحترمها.. الناس اللي كانت في منتهى الأدب في تعليقاتها عن آخر لوك ليا في ختام الدورة الأربعين من مهرجان القاهرة السينمائي.. باحترم آرائكم اللي نابعه عن حب وخوف وبأقدرها جدًا.. لكن حبيت أوضحلكم رأيي لو تكرمتم".
وأضافت تعليقاً على عدة صورة تكشف عدة وجوه لها وللعديد من النجمات العالميات: "في حياة الممثل أو الفنان في العموم شخصيتين.. شخصية كإنسان طبيعي في بيته ومع أهله وصحابه.. وشخصيته كفنان مع جمهوره والناس اللي بتحبه وبتتابعه وشخصياته الكتيرة في أعماله.. مع أهلي وصحابي أنا هو أنا وعلى طبيعتي في أغلب أوقاتي من غير ماكياج لأني باحب نفسي طبيعية الحمد لله.. وكتير باشارككم في لحظاتي.. وشخصيتي في المناسبات اللي تخص شغلي أو ما شابه وفيها باحب ابقى متجددة ومختلفة وبوشوش مختلفة.. وباحب أشوف نفسى كل مرة غير التانية.. ودا بنحتاجه كتير كممثلين في أداء شخصيات مختلفة".
وتابعت قائلة: "ودا معناه إني باحب أجرب كل اللوكات وبابقى مبسوطة وفى لوكات بتعجبنى وفى لوكات لاء.. والحقيقة بما إنى باحب الموضة وكل ما يخصها فبتابع آخر صيحات الموضة، وفى نفس الوقت ممكن أحب لوكات قديمة برده وتستهوينى، لأنه مهما لفينا ودورنا هنلاقى إن الموضة بتعيد نفسها وبتتكرر على مدار الوقت".
وحول إطلالتها الأخيرة قالت: " أحب أوضح إن آخر لوك ليا اخترناه أنا وفريق العمل بعناية فائقة والحقيقة هو عاجبنى جدًا من فستان أو شعر أو مايكب "اتظلموا " في إضاءة ماكنتش أحسن حاجة، وباحترم وجهات النظر المختلفة طول ما هي بتتقال باحترام وتحضر.. أما عن الناس اللي عندها إصرار على "التنمر" وعندها إصرار على توجيه ألفاظ خارجة عن إطار التحضر والأخلاق والأدب والاحترام، فللأسف أحب أقولكم "بصوا في المراية وعدوا 10 وفكروا كدا بهدوء" للأسف مفيش أي فايدة عادت عليكم غير إنكم ارتكبتم غلط في حق نفسكم.. شكرًا".
لمشاهدة أجمل صور المشاهير زوروا أنستغرام سيدتي
